اسلام کی خاطر بالی وڈ سے کنارہ کشی کرنے والی اداکارہ ثنا خان نے مداحوں کیلئے معنی خیز پیغام شیئر کیا ہے۔ میڈیا رپورٹ کے مطابق ثنا خان نے سوشل میڈیا پر اپنے شوہر کے ہمراہ تصویر شیئر کی اور کہا کہ جھوٹ کی رفتار بہت تیز ہوتی ہے لیکن منزل پر صرف سچ ہی پہنچ پاتا ہے۔ انہوں نے کہا کہ جو لوگ آپ کے بارے میں منفی باتیں پھیلاتے ہیں ، ان کی یہ عادت صرف اور صرف ان کے کردار کو ظاہر کرتی ہے۔ ثنا نے مزید کہا کہ آپ کو وہی ملتا ہے جو آپ بوتے ہیں۔
چین : امریکہ سے آنے والے مسافروں میں کرونا کے بڑھتے کیسز کی وجہ سے چین نے دو درجن سے زیادہ امریکی پروازوں کو منسوخ کردیا ہے۔
ایوی ایشن ریگولیٹر نے کورونا کے قوانین کے تحت شنگھائی کے لیے آٹھ کل طے شدہ امریکی مسافر ایئر لائن کی پروازوں کی منسوخی کو لازمی قرار دیا ہے جن میں چار یونائیٹڈ ایئر لائنز، دو ڈیلٹا ایئر لائنز اور امریکن ایئر لائنز شامل ہیں۔
چین کی سول ایوی ایشن ایڈمنسٹریشن (سی اے اے سی) نے مثبت ٹیسٹوں کے بعد دسمبر سے اب تک چینی کیریئرز کے ذریعے چلائی جانے والی کم از کم 22 دیگر امریکی پروازیں منسوخ کر دی ہیں، جن میں چائنا سدرن ایئر لائنز کمپنی کی آٹھ پروازیں بھی شامل ہیں۔
یاد رہےکہ امریکا میں کورونا وائرس کی نئی قسم اومیکرون تیزی سے پھیل رہا ہے، گزشتہ روز 1 لاکھ 32 ہزار 646 مثبت کیسز رپورٹ ہوئیں ہیں، جو جنوری 2021 میں قائم کیے گئے ریکارڈ کو پیچھے چھوڑ دیا ہے ، جنوری 2021 میں 1 لاکھ 32 ہزار 51 کیسز رپورٹ ہوئے تھے۔
ورونا کی وبا کے بعد سے چین اور امریکہ کی ہوائی خدمات پر تنازعات جاری ہے۔
اگست 2021 میں یو ایس ڈوٹ نے چینی کیریئرز سے چار پروازوں کو چار ہفتوں کے لیے 40 فیصد مسافروں کی گنجائش تک محدود کر دیا تھا۔
چین نے اگست میں یونائیٹڈ کو بتایا کہ وہ کچھ پروازوں پر پابندیاں عائد کر رہا ہے۔
اس کے علاوہ سابق امریکی صدر ڈونلڈ ٹرمپ نے جنوری 2020 میں تقریباً تمام غیر امریکی شہریوں کو جو گزشتہ 14 دنوں کے اندر چین میں موجود تھے امریکہ کے سفر پر پابندی لگا دی تھی۔
صدر جو بائیڈن نے نومبر میں مکمل طور پر ویکسین لگوانے والے غیر ملکی ہوائی مسافروں کے لیے چینی سفری پابندیاں ختم کر دیں تھی۔
پاکستان کے معروف اداکار عمران عباس بھارتی گلوکارہ لتا منگیشکر کی جلد صحتیابی کے لئے دعاگو ہیں۔
عمران عباس نے اپنی انسٹا اسٹوری پر تصویر شیئر کی ہے۔
اس تصویر میں عمران عباس کو لتا جی کی جانب سے ملنے والا آٹوگراف بھی ہے۔
اداکار نے لکھا کہ لتا جی کی جلد صحتیابی کے لئے دعاگو ہوں۔
خیال رہے کہ بھارتی گلوکارہ لتا منگیشکر بھی عالمی وباء کورونا وائرس کا شکار ہو گئی ہیں۔
اس حوالے سے جاری رپورٹس میں بتایا گیا ہے کہ لتا منگیشکر کا کورونا ٹسیٹ مثبت آیا ہے جس کے بعد انہیں انتہائی نگہداشت وارڈ میں داخل کردیا گیا ہے۔
گلوکارہ کی بھانجی، ریچا نے تصدیق کی کہ وہ کورونا کی معمولی علامات کا سامنا کر رہی تھیں جس کے بعد ان کا ٹسٹ کروایا گیا تھا۔
علاوہ ازیں زیادہ عمر کی وجہ سے بھی گلوکارہ کو صحت کے دیگر مسائل بھی لاحق ہیں تاہم ڈاکٹرز اور ماہرین انکی صحتیابی کے لئے کوششیں کر رہے ہیں۔
واضح رہے کہ بالی ووڈ انڈسٹری میں روزانہ کی بنیاد پر فنکار کورونا وائرس کی نئی لہر کا شکار ہو رہے ہیں۔
اقوام متحدہ نے خبردار کیا ہے کہ اگر عالمی قوتوں نے مالی امداد نہ کی تو افغانستان میں لوگ بھوک و افلاس کا شکار ہوکر زندگی کی بازی ہار جائیں گے۔
عالمی خبر رساں ادارے کے مطابق اقوام متحدہ نے افغانستان میں رواں برس 2022 میں بھوک و افلاس اور صحت عامہ سے نمٹنے کے لیے 5 ارب ڈالر کا تخمینہ لگایا ہے۔ انسانی المیے کے شکار ملک میں شہری گزر بسر کے لیے اپنی بچیوں کی شادیاں پیسوں کے عوض کرنے پر مجبور ہوگئے ہیں۔
اقوام متحدہ کی جانب سے جاری بیان میں کہا گیا ہے کہ دو دہائیوں سے جنگ کے زخم خوردہ افغان عوام کو مکمل تباہی سے بچانے کے لیے 4.4 ارب ڈالر کی ضرورت ہے جب کہ مزید 62 کروڑ 30 لاکھ دیگر ممالک میں پناہ لینے والے لاکھوں افغانوں کی مدد کے لیے درکار ہوں گے۔
بیان میں مزید کہا گیا ہے کہ یہ رقم افغانستان میں دو کروڑ 20 لاکھ افراد جب کہ پانچ پڑوسی ممالک میں 57 لاکھ سے زائد پناہ لیے ہوئےافغانوں کی ہنگامی بنیاد پر امداد پر خرچ ہوں گے۔
اقوام متحدہ نے تاریخ میں پہلی بار کسی ایک ملک کے لیے 5 ارب ڈالر کی خطیر رقم کی اپیل کی ہے۔ طالبان کے گزشتہ برس اگست میں اقتدار سنبھالنے کے بعد افغانستان کے بیرون ملک اثاثوں کو منجمد کردیا گیا تھا جس کے بعد سے ملک شدید مالی مسائل سے دوچار ہے اور غربت، مہنگائی، بے روزگاری کا سامنا ہے۔
واضح رہے کہ ماہرین پہلے خبردار کر چکے ہیں کہ افغانستان میں رواں برس 47 لاکھ افراد شدید غذائی قلت کا سامنا کریں گے جن میں 11 لاکھ بچے بھی شامل ہیں۔
اسلام آباد میں بلدیاتی انتخابات کے لئے وزارت سائنس الیکشن کمیشن کو3 ہزار9 سوالیکٹرونک ووٹنگ مشینز (ای وی ایم) فراہم کرے گی۔
وزارت سائنس کے مطابق الیکشن کمیشن نے اسلام آباد میئر کے انتخاب کیلئے 3900 ای وی ایم مانگی تھیں۔ میئر کے انتخاب میں 800 پولنگ بوتھ پر 3100 مشینیں استعمال ہوں گی جبکہ الیکشن کمیشن 800 مشینیں بطوربیک اپ رکھے گا۔
حکام کا کہنا ہے کہ وزارت سائنس کی ٹیکنیکل ٹیم الیکشن کمیشن کے اسٹاف کوٹریننگ اورتکنیکی معاونت فراہم کرے گی۔
وزارت سائنس کے مطابق ای وی ایم جنوری سے اپریل کے الیکشن کمیشن کوفراہم کی جائیں گی۔ مشینوں کی فراہمی کے شیڈول سے الیکشن کمیشن کوآگاہ کردیا گیا ہے۔
بھارت نے پہلی بار امریکا سے سور کے گوشت اور اس سے بننے والی مصنوعات درآمد کرنے کی اجازت دیدی۔
عالمی خبر رساں ادارے کے مطابق امریکا نے بھارت کے اس فیصلے کا خیر مقدم کیا ہے جس میں سور کے گوشت اور اس سے بنی مصنوعات پر عائد پابندی ہٹا دی گئی ہے۔
امریکا کے زراعت کے سیکرٹری ٹام ویلسیک اور امریکی تجارتی نمائندے کیتھرین تائی نے اپنے بیان میں کہا کہ بھارت کا امریکا سے سور کے گوشت کو اپنی مارکیٹ تک رسائی حاصل دینے کا فیصلہ دونوں ممالک کے درمیان تجارتی تعلقات میں مثبت پیشرفت ہے۔
گزشتہ برس نومبر میں بھارتی دارالحکومت میں منعقد ہونے والی ’’ٹریڈ پالیسی فورم‘‘ میں امریکی نمائندے کیتھرین تائی نے امریکا سے سور کے گوشت کی بھارتی منڈی تک رسائی کی اہمیت پر زور دیا تھا۔
بھارت اور امریکا کے درمیان تجارتی معاہدوں کے باعث امریکا نے ایک ارب 60 لاکھ ڈالر کی صرف زرعی مصنوعات بھارت برآمد کی تھیں اور اب سور کے گوشت کی کی بھی اربوں ڈالر کی برآمدات متوقع ہیں۔
پاکستانی ڈاکٹرنے امریکی ڈاکٹرزکی ٹیم کے ساتھ مل کرانسان میں جینیاتی طورپر تبدیل شدہ خنزیر کا دل لگانے کا کارنامہ انجام دے دیا۔
غیرملکی میڈیا کے مطابق ڈاکٹرمنصورمحی الدین انسانوں میں جانوروں کے اعضا ٹرانسپلانٹ کرنے پرکام اورتحقیق کرتے رہے ہیں۔
ڈاکٹرمنصور نے یونیورسٹی آف میری لینڈ میڈیکل سینٹرمیں ڈاکٹرز کی ٹیم کے ساتھ مل کرایک مریض میں جینیاتی طورپرتبدیل شدہ خنزیز کا دل لگا دیا۔
ٹرانسپلانٹ کے بعدامریکا سے تعلق رکھنے والے 57 سال کے ڈیوڈ بینیٹ دنیا کے پہلے انسان بن گئے جن میں جینیاتی طورپرتبدیل کیا گیا خنزیز کا دل لگایا گیا ہے۔
ڈاکٹرمنصورمحی الدین کا تعلق کراچی سے ہے اورہ ڈاؤ یونیورسٹی آف ہیلتھ سائنسز کے گریجویٹ ہیں۔
کامیاب ٹرانسپلانٹ کے بعد ڈاکٹر منصورمحی الدین کا کہنا تھا کہ اس کامیاب آپریشن سے مستقبل میں قیمتی انسانی جانوں کوبچانے کے طریقوں کو بہتربنانے کے لئے اہم معلومات حاصل ہوں گی۔مسلسل کئی سالوں کی تحقیق کے بعد بلآخر یہ کوشش کامیاب رہی۔
انسان میں خنزیرکا جینیاتی طورپرتبدیل شدہ دل لگانے میں1 کروڑ75 لاکھ روپے لاگت آئی ہے۔
ٹرانسپلانٹ کے بعد مریض کا کہنا تھا کہ آپریشن سے قبل پتا تھا کہ یہ رسک ہے لیکن ان کے پاس موت یا پھریہ ٹرانسپلانٹ کے سوا کوئی آپشن نہیں تھا۔
2021 ٹک ٹاک کا سال تھا جہاں اس ایپ نے اپنی مقبولیت کے نئے ریکارڈ قائم کئے۔ اب ایک نئے آپشن کی آزمائش شروع کردی گئی ہے جس کی بدولت آپ اپنے ایسے دوستوں سے رابطہ کرکے انہیں ٹک ٹاک ویڈیو دیکھنے کی دعوت دے سکتے ہیں جو دیگر ایپس پر موجود ہے۔
ٹک ٹاک تجزیہ نگاروں کے مطابق بعض ٹک ٹاک صارفین کی ایپ پر یہ فیچر کھلا ہے۔ اس میں وہ تھرڈپارٹی سافٹ ویئر اور ایپس استعمال کرنے والے دوستوں سے اپنی ویڈیو شیئر کرسکتے ہیں۔ اس کے بعد وہ خودکار انداز میں آپ کے فالوور بن جاتے ہیں۔ اس سے ویڈیو اور فالوورز دونوں کو بڑھانے میں مدد مل سکتی ہے۔
ٹک ٹاک کے مطابق اگر آپ کا ایک دوست آپ کی ویڈیو دیکھتا ہے تو وہ مزید دوستوں کو ٹک ٹاک تک لے آئے گا اور یوں ویڈیو کی مشہوری کا سلسلہ چلتا رہے گا۔ تاہم آخر میں فائدہ ٹک ٹاک کو ہی ہوگا جس کے بعد وہ دیگر پلیٹ فارم کے صارفین کو اپنی جانب راغب کرسکے گا۔ وجہ یہ ہے کہ جیسے ہی وہ شیئرکی جانے والی ویڈیو دیکھیں گے تو اس کے لیے اکاؤنٹ بنانا ہوگا۔
اگرچہ اس میں کئی لوگوں کو دھڑا دھڑ مدعو کیا جاسکتا ہے جو اسپیمنگ کی شکل اختیار کرسکتا ہے۔ اسی لیے فی الحال ایک وقت میں ایک دوست سے ہی ویڈیو شیئر کی جاسکتی ہے۔ پھرقریبی جڑے ہوئے دوستوں سے ہی رابطہ ممکن ہے اور کسی بھی طرح دودراز اجنبیوں تک ویڈیو شیئر کرنا ممکن نہیں۔
دوسری جانب اس آپشن سے نئے ٹک ٹاکر کو مدد ملے گی جو ابتدائی درجے میں اپنی ویڈیو کی مقبولیت کے لیے کوشاں ہیں۔
اسلام آباد ہائی کورٹ نے وفاقی دارالحکومت میں مارگلہ نیشنل پارک میں قائم مونال ریسٹورنٹ کو سیل کرنے اور نیوی گالف کورس کو آج ہی سی ڈی اے کی تحویل میں لینے کا حکم دے دیا۔
ہائی کورٹ کے چیف جسٹس اطہر من اللہ نے وفاقی دارالحکومت میں تجاوزات اور قبضوں کے خلاف کیسز کی سماعت کی تو سیکرٹری دفاع ، سیکریٹری داخلہ عدالت کے سامنے پیش ہوئے۔
چیف جسٹس اطہر من اللہ نے کہا کہ مارگلہ ہلز نیشنل پارک پر اگر کوئی ملکیت کا دعوٰی کرتا ہے تو غلط ہے، نیشنل پارک محفوظ شدہ علاقہ ہے جو وفاقی حکومت کا ہے، نیوی نے تجاوزات کرکے گالف کورس بنایا، آرمڈ فورسز کو بھی قانون پر عمل کرنا ہوگا ، ہر شہری آرمڈ فورسز کا احترام کرتا ہے لیکن جب تجاوزات کریں گے تو کیا پیغام جائے گا، جب یہ چیزیں رکیں گی عام آدمی خود قانون پر چلے گا، عام آدمی تو نیشنل پارک میں نہیں گھس سکتا، یہ اشرافیہ کی وجہ سے ہے، جب حکومت کے ادارے تجاوزات نہیں کریں گے تو پھر کسی اور کی بھی ہمت نہیں ہو گی۔
ہائیکورٹ نے نیوی گالف کورس کو آج ہی سی ڈی اے کے سپرد کرنے کا حکم دیتے ہوئے کہا کہ سیکرٹری دفاع صاحب یقینی بنائیں کچھ ایسا نہ ہو بعد میں شرمندگی کا باعث بنے، آپ نے تسلیم کیا کہ گالف کورس غیرقانونی ہے اسے سربمہرکرکے انکوائری کریں۔
چیئرمن سی ڈی اے نے بتایا کہ ہم نے نیوی سیلنگ کلب گرانے کا نوٹس دے دیا ہے، اسلام آباد میں تقریبا تمام سرکاری اداروں نے تجاوز کیا ہوا ہے۔
چیف جسٹس نے کہا کہ تین فورسز کے سیکٹرز میں بھی تمام قوانین لاگو ہوتے ہیں، کیا عمل ہو رہا ہے؟ ایئر فورس نے جتنی تعمیرات کیں، کیا سی ڈی اے سے منظوری لی؟ ہو سکتا ہے کہ ان کے کچھ سیکورٹی تحفظات ہوں، سیکرٹری دفاع موجود ہیں، ان کے تحفظات بھی سن لیں اور قانون پر سختی سے عمل درآمد کرائیں، اسلام آباد میں فورسز کے تین سیکٹرز میں خلاف قانونی تعمیرات نہیں ہونی چاہئیں، اسلام آباد مارگلہ ہلز ملٹری فارمز کی ملکیت نہیں بلکہ وفاقی حکومت کی ملکیت ہے۔
عدالت نے کہا کہ مارگلہ نیشنل پارک کی 8 ہزار ایکڑ زمین پر ملٹری ڈائریکٹوریٹ کی ملکیت ختم ہو چکی، 1910 کا نوٹیفکیشن غیر موثر ہو چکا اب 1979 کے قانون کے تحت عمل ہو گا، یہ اسٹیٹ لینڈ ہے مارگلہ نیشنل پارک کے نام پر نوٹیفائی ہو چکی۔
اسلام آباد ہائی کورٹ نے چیف کمشنر اسلام آباد کو آج ہی مونال کو سیل کرنے اور سی ڈی اے کو نیوی گالف کورس کو اپنی تحویل میں لینے کا حکم دیتے ہوئے کہا کہ سیکریٹری دفاع اس پر ناجائز قبضے کے ذمے داران کیخلاف تحقیقات کروائے، مونال کی لیز ختم ہو چکی ہے تو اسے سیل کریں۔
اسلام آباد ہائی کورٹ نے مارگلہ میں نیشنل پارک میں قائم مونال ریسٹورنٹ کو سیل کرنے کا حکم دے دیا۔
بھارتی ریاست پنجاب کے وزیراعلی چرنچیت سنگھ نے وزیراعظم نریندر مودی کے دورے کے دوران احتجاج کرنے والے سکھ کسانوں کے خلاف کارروائی سے انکار کر دیا۔ میڈیا رپورٹ کے مطابق انہوں نے کہا کہ نریندر مودی کے دورے کیلئے سکیورٹی کے ٹھوس اقدامات کئے گئے تھے، احتجاج کرنے والے کسی کسان اور پنجابی کے خلاف کارروائی نہیں کروں گا۔ بھارتی پنجاب کے وزیراعلی نے مزید کہا کہ اگر وزیراعظم کو 10منٹ انتظار کرنا پڑا تو کیا ہوا۔ انہوں نے کہا کہ مظاہرین تو مودی صاحب کے پاس بھی نہیں گئے۔ کسی نے ان کے ساتھ کچھ نہیں کیا وزیراعظم کی ریلی میں کیپٹن امریندر سنگھ کے علاوہ کوئی پنجابی نہیں گیا۔
