بھارت میں ایک کیمیکل پلانٹ میں دھماکے کے باعث 6 افراد دم توڑ گئے۔
بھارتی ریاست گجرات میں کیمیکل پلانٹ میں دھماکے کے بعد لگنے والی آگ کے سبب چھ افراد ہلاک ہو گئے ہیں۔ یہ واقعہ دہیج انڈسٹریل اسٹیٹ میں پیش آیا۔
مقامی پولیس افسر کے مطابق مذکورہ فیکٹری مکمل طور پر تباہ ہو گئی ہے جبکہ ملبے سے چھ افراد کی لاشیں نکالی گئی ہیں۔
آگ بجھانے والے محکمے کے مطابق اوم آرگینک پلانٹ میں لگی آگ پر مکمل طور پر قابو پایا جا چکا ہے۔

پاکستان اسٹاک ایکس چینج نے 2017 کے بعد نیا ریکارڈ قائم کردیا ، ایک دن میں سب سےزیادہ 1700 پوائنٹس کا ریکارڈ کاروبارہوا۔
تفصیلات کے مطابق ملکی سیاست میں بدلتی ہوئی صورتحال کے اثرات اسٹاک مارکیٹ پر نمایاں ہونے لگے ، کاروباری ہفتے کے آغاز میں پاکستان اسٹاک ایکس چینج کے پہلے سیشن میں100 انڈیکس میں1770 پوائنٹس کا اضافہ دیکھا گیا۔
مارکیٹ کا آغاز 44 ہزار 444 پوائنٹس پر ہوا اور چند منٹس میں ہی 1300 پوائنٹس کا اضافہ ہوا اور انڈیکس 46 ہزار کی نفسیاتی حد عبور کر گیا۔
ہنڈرڈ انڈیکس3.98 فیصد بڑھ کر 46 ہزار215 پوائنٹس پر بند ہوا، 2017 کے بعد اسٹاک ایکس چینج میں ایک دن میں سب زیادہ کاروبار ہوا۔
ایک دن میں سب سےزیادہ 1700 پوائنٹس کا ریکارڈ کاروبارہوا ، اس سے قبل 15جون 2017 کو کاروبار میں 1566 پوائنٹس کا ریکارڈ قائم ہوا۔
خیال رہے گزشتہ ایک ہفتے کے دوران پاکستان اسٹاک مارکیٹ میں 100 انڈیکس میں 707 پوائنٹس کی کمی ہوئی ، جس کے بعد انڈیکس 44 ہزار 444 پوائنٹس پر بند ہوا۔
4 سے 8 اپریل 2022 کے دوران انڈیکس کی بلند ترین سطح 45 ہزار 152 پوائنٹس جبکہ کم ترین سطح 43 ہزار 749 پوائنٹس رہی جبکہ گزشتہ ہفتے مارکیٹ میں 76 کروڑ شیئرز کے سودے ہوئے جبکہ مارکیٹ کیپٹلائزیشن 125 ارب روپے کم ہو کر 7474 ارب روپے ہوگئی۔

دنیا کی مشہور ٹیکنالوجی کمپنی ایپل نے اپنی واچ میں واٹس ایپ صارفین کے لیے بڑی آسانی پیدا کردی ہے۔
غیر ملکی میڈیا کے مطابق اب ایپل صارفین ایپل واچ میں رسٹ چیٹ ایپ کے ذریعے کلائی پر بھی واٹس ایپ کا استعمال کرسکیں گے۔ WristChat واچ OS ایپ میں صارفین کے پیغامات تک رسائی کے لیے واٹس ایپ ویب اے پی آئی (Web API) کا استعمال کرے گی۔
ایپل واچ میں رسٹ چیٹ ایپ کا انٹرفیس SwiftUI کو استعمال کرتے ہوئے ڈیزائن کیا گیا ہے۔
رسٹ واچ میں رسٹ چیٹ ایپ انسٹال کرنے کے بعد صارف کو واٹس ایپ استعمال کرنے کے لیے اسکرین پر QR کوڈ اسکین کرنا ہوگا۔
کوڈ اسکین کرنے کے بعد واٹس ایپ پر موصول ہونے والے تمام پیغامات صارف کی رسٹ واچ پر واضح ہو جائیں گے جنہیں ٹیپ کرنے کے ذریعے چیٹ کا آغاز کیا جا سکتا ہے۔

دل کے امراض کئی دیگر بیماریوں کا بھی سبب بن سکتے ہیں، حال ہی میں ایک تحقیق سے علم ہوا کہ یہ نیند پر بھی منفی اثرات مرتب کر سکتے ہیں۔
حال ہی میں ہونے والی ایک نئی تحقیق میں دریافت ہوا ہے کہ امراض قلب میں مبتلا تقریباً نصف مریض بے خوابی کا شکار ہوتے ہیں۔
ناروے کی یونیورسٹی آف اوسلو کی میڈیکل کی طالبہ اور تحقیق کی سربراہ مصنفہ لارس فروژڈ کا کہنا تھا کہ نیند کے مسائل کا تعلق ذہنی صحت کے مسائل ہے، لیکن اس تحقیق میں معلوم ہوا ہے کہ بے خوابی کا تعلق قلبی حالات سے بھی ہے۔
ان کا کہنا تھا کہ نتائج سے معلوم ہوا کہ دل کے مریضوں میں بے خوابی کو دیکھا جانا چاہیئے اور مناسب علاج کیا جانا چاہیئے، تحقیق میں 1 ہزار 68 مریضوں کا دل کے دورے یا شریان کھولے جانے کے لیے کیے جانے والے آپریشن کے اوسطاً 16 مہینوں کو شامل کیا گیا۔
بے خوابی کے متعلق ڈیٹا کو دل کے مسلسل وقوعات کے خطرات کے بیس لائن کے طور پر جمع کیا گیا۔
تحقیق کے شرکا سے برجین انسومنیا اسکیل کا سوالنامہ پر کروایا گیا جو بے خوابی کے تشخیصی معیار پر مبنی تھا۔
6 سوالوں میں سونے اور جاگنے کی صلاحیت، جلدی اٹھ جانے، مکمل آرام نہ ملنے کا احساس، دن کے وقت تکان کا احساس جو کام یا معاشرتی معاملات میں متاثر کرتا ہے اور نیند سے بے اطمینان ہونے کے حوالے سے 6 سوال پوچھے گئے۔