اسلام آباد: (ویب ڈیسک) مسلم لیگ ق کے سربراہ چودھری شجاعت حسین نے کہا ہے کہ مولانا فضل الرحمان اپنے والد کے ساتھ ہونے والے سلوک کو یاد رکھیں۔
مسلم لیگ ق کے سربراہ چودھری شجاعت حسین نے اپنے ایک بیان میں کہا ہے کہ اسمبلیوں میں اس طرح کے واقعات ہوتے رہتے ہیں اور انہیں حل کرنے کا طریقہ بھی ہوتا ہے۔
انہوں نے کہا کہ مولانا فضل الرحمان نے پنجاب اسمبلی میں توڑ پھوڑ کو جارحانہ انداز میں پیش کیا اور مولانا فضل الرحمان مفتی محمود کے ساتھ کیے جانے والے بہیمانہ سلوک کو یاد رکھیں کہ مفتی محمود کو سیڑھیوں پر گھسیٹا گیا تھا اور وہ زخمی بھی ہوئے تھے۔
چودھری شجاعت حسین نے کہا کہ اس طرح کا کوئی واقعہ پنجاب اسمبلی میں پیش نہیں آیا لیکن اراکین مسلم لیگ ن نے اسمبلی میں نیا فرنیچر، مائیک سسٹم، آئی ٹی سسٹم تباہ کر دیا اور اب جب تک ہال کی مرمت نہیں کی جاتی ایوان اجلاس کرنے کے قابل نہیں ہے۔
انہوں نے کہا کہ پانچ مرتبہ اسمبلی ممبر رہا، بڑے واقعات ہو جاتے ہیں یہ تو پھر معمولی بات ہے۔ اراکین کو اپنے لیڈروں کی اس حد تک جا کر اطاعت نہیں کرنی چاہیے۔

لاہور : (ویب ڈیسک) آئی جی پنجاب سے رمضان المبارک کی مناسبت سے صوبے کی تمام جیلوں میں قیدیوں کی سزاوں میں 60 روز کمی کا اعلان کیا ہے۔
آئی جی پنجاب نے سزاوں میں کمی کا اعلان پاکستان پریزن رولز1978کےرول216کےتحت کیا ہے اور اس کا اطلاق ان قیدیوں پرہوگا جو قوانین کی خلاف ورزی میں ملوث نہیں۔
دہشت گردی، منشیات اور حدود آرڈیننس کی دفعات کے تحت سزا پانے والے قیدیوں پر سزاؤں میں کمی کا اطلاق نہیں ہوگا۔
اس کے علاوہ مالی غبن اور قومی خزانے کو نقصان پہنچانے والے قیدی بھی اس رعایت سے فائدہ نہیں اٹھا سکیں گے۔

لاہور : (ویب ڈیسک) قانون نافذ کرنے والے اداروں نے انارکلی بم دھماکہ کرنے والا دہشت گرد کوگرفتار کرلیا ، دہشت گرد کا تعلق بی ایل اے سے ہے۔
تفصیلات کے مطابق انارکلی بم دھماکا کرنے والے دہشت گرد کو گرفتار کرلیا گیا ، ذرائع نے بتایا کہ بیس فروری کو انارکلی میں دھماکے کے بعد قانون نافذ کرنے والے اداروں نے مختلف پہلوؤں پر تفتیش کرتے ہوئے ایک دہشت گرد کو ٹرک اڈا سے گرفتار کیا۔
ذرائع کا کہنا تھا کہ ملزم ٹرک اڈا میں ملازمت کرتا تھا اور واقع کے بعد روپوش ہوگیا تھا، دہشت گرد کا تعلق بی ایل اے سے ہے۔
ذرائع نے بتایا کہ دہشت گرد کو دھماکہ خیز مواد ٹرک میں بلوچستان سے سپلائی کیا گیا، قانون نافذ کرنے والے اداروں نے دہشت گرد کو مزید تفتیش کے لیے سی ٹی ڈی کے حوالے کردیا۔
یاد رہے انارکلی دھماکے کیلئے جائے وقوعہ پر بم ڈیوائس رکھنے والے دہشت گرد کی تصویر سامنے آگئی، ڈیوائس رکھنے والا شخص اکیلا آیا اور طارق انٹر پرائز کے سامنے بیگ رکھ کر رکشہ میں بیٹھ کر چلا گیا تھا۔
واضح رہے کہ لاہور کے مصروف اور قدیم بازار انار کلی میں خوفناک بم دھماکا ہوا تھا ، دھماکے کے نتیجے میں 9 سالہ بچے سمیت 2 افراد جاں بحق جبکہ 28 افراد زخمی ہوگئے تھے۔

اسلام آباد: (ویب ڈیسک) پاکستان کی سیاسی صورت حال پر چین کا بیان آ گیا، چینی دفتر خارجہ کے ترجمان نے پریس بریفنگ میں کہا ہے کہ انھیں یقین ہے پاکستان کی سیاسی صورت حال سے سی پیک متاثر نہیں ہوگا۔
چینی دفتر خارجہ نے بدھ کو کہا ہے کہ انھیں امید ہے پاکستان میں سیاسی صورت حال سے دونوں ممالک کے باہمی تعاون پر اثر نہیں پڑے گا، اور انھیں مخلصانہ امید ہے پاکستان میں تمام سیاسی جماعتیں متحد رہیں گی۔
چینی دفتر خارجہ نے کہا کہ امید ہے کہ پاکستان کی سیاسی جماعتیں قومی ترقی اور استحکام کے لیے مل کر کام کریں گی۔
چین نے اس بات پر زور دیتے ہوئے کہا کہ دو طرفہ تعاون اور چین پاکستان اقتصادی راہداری (CPEC) منصوبہ پاکستان کی سیاسی صورت حال سے متاثر نہیں ہوگا، پاکستان کی تمام جماعتیں متحد رہ سکتی ہیں اور قومی ترقی اور استحکام کو برقرار رکھ سکتی ہیں۔
چینی وزارت خارجہ کے ترجمان ژاؤ لیجیان نے اس بات پر زور دیا کہ چین اور پاکستان ‘ہر قسم کے حالات میں تزویراتی تعاون پر مبنی شراکت دار’ ہیں لیکن انھوں نے مزید کہا کہ بیجنگ نے ہمیشہ دوسرے ممالک کے اندرونی معاملات میں عدم مداخلت کے اصول پر عمل کیا ہے۔

لاہور : (ویب ڈیسک) مسلم لیگ ق کے رہنما مونس الٰہی نے دعویٰ کیا ہے کہ آج الیکشن کرا لیں عمران خان دوبارہ اقتدارمیں آئےگا۔
تفصیلات کے مطابق ق لیگ کے رہنما مونس الٰہی کی جانب سے بیان میں کہا گیا کہ آج الیکشن کرا لیں عمران خان دوبارہ اقتدارمیں آئے گا، ق لیگ ملک میں جمہوریت کےفروغ کیلئے پی ٹی آئی کے ساتھ ہے۔
وزیراعلیٰ پنجاب کے حوالے سے مونس الٰہی کا کہنا تھا کہ ہمارے ارکان پورے ہیں وہ 500 کا دعویٰ کرلیں ، دعویٰ تووہ کتنے سالوں سے کررہے ہیں، چوہدری شجاعت ، پرویز الٰہی نےکہاکبھی شریفوں پراعتبار نہ کرنا۔
انھوں نے کہا کہ شریف بردران کرپشن میں پھنسے ہوں توفرش ، باہر ہوں توعرش پرہوتےہیں، ووٹ کوعزت دو تودوسری طرف باقی ووٹ کس کے ہیں۔
شریفوں سے متعلق ق لیگی رہنما کا کہنا تھا کہ پرویز مشرف نے پرویز الٰہی کوکہا شریفوں کی شوگرملیں چل رہی ہیں، پرویز الٰہی، چوہدری شجاعت نےمل کر مشرف کوکنوینس کیا لیکن جب شریف حکومت میں آئے ہمارے خلاف کیسز بنانا شروع کردیے، پوری امید ہے دوبارہ اگر اقتدار میں آئے تو پھر سے پرانی حرکتیں کریں گے۔
زرداری کے حوالے سے مونس الٰہی نے کہا کہ آصف زرداری سے ہمارے غیر معمولی تعلقات ہیں اوررہیں گے، علیم خان نے کہا نیب کیسز تھے،وہ بچوں کی طرح روناچھوڑ دیں، نیب کیس ہم پربھی تھے، کیس لڑےاور عدالتوں سے بری ہوئے۔
جہانگیر ترین سے متعلق ان کا کہنا تھا کہ جہانگیر ترین کے ساتھ زیادتی عمران خان نے نہیں کی، جنہوں نے زیادتی کی وہ اب پارٹی میں نہیں ہیں۔
مونس الٰہی نے مزید کہا کہ چوہدری سرور میرے بڑے ہیں ،ان سے اچھے تعلقات رکھنا چاہتے ہیں۔

اسلام آباد : (ویب ڈیسک) پاکستان پیپلز پارٹی نے عمران خان کی حکومت سے نجات کی خوشی میں ملک بھر میں تقریبات منعقد کرنے کا فیصلہ کیا ہے۔
پاکستان پیپلز پارٹی کے رہنما نیئر بخاری کے مطابق پی پی پی چیئرمین بلاول بھٹو زرداری نے عمران خان حکومت سے نجات کی خوشی میں ملک بھر میں تقریبات منعقد کرنے کا فیصلہ کیا ہے۔
نیئر بخاری کے مطابق اس سلسلے میں صوبائی تنظیموں کو ہدایات کی گئی ہیں کہ وہ ضلعی ہیڈ کوارٹرز میں اجلاس اور تقریبات منعقد کرائیں۔
نیئر بخاری نے کہا کہ چیئرمین بلاول بھٹو کےعوامی لانگ مارچ کے نتیجے میں نااہل عمران خان سے نجات ملی اور جیالے کارکنوں نے عوامی قوت سے قوم کو عمران حکومت سے نجات دلائی۔
واضح رہے کہ 3 اپریل کو قومی اسمبلی میں وزیراعظم کیخلاف متحدہ اپوزیشن کی تحریک عدم اعتماد مسترد ہونےکے بعد وزیراعظم عمران خان نے صدر کو اسمبلی تحلیل کرنے کی تجویز دی تھی۔
صدر مملکت نے وزیراعظم عمران خان کی تجویز پر اسی روز قومی اسمبلی تحلیل کردی تھی اور اس کا نوٹیفکیشن بھی جاری کردیا گیا تھا۔
Еще можно заказать крутых проституток в Москве и отвлечься от новостей

اسلام آباد : (ویب ڈیسک) مسلم لیگ ن کے رہنما شاہد خاقان عباسی نے کہا ہے کہ آئین توڑ کر بغاوت کرنے والوں کا آرٹیکل 6 کے تحت ٹرائل ہوگا اور سب کو عبرت کا نشان بنادیں گے۔
مسلم لیگ ن کے رہنما شاہد خاقان عباسی نے پی ٹی آئی رہنما شاہ محمود قریشی کے بیان پر اپنے ردعمل کا اظہار کیا ہے
شاہد خاقان عباسی نے کہا کہ عمران نیازی اور ان حواریوں نے آئین توڑا، بغاوت کی، آرٹیکل 6 کے تحت سب کا ٹرائل ہو گا ،عبرت کا نشان بنائیں گے۔
لیگی رہنما کا کہنا تھا کہ سازش کی افسانہ نگاری شاہ محمود کی سرپرستی اور سہولت کاری سے ہوئی، جعلی خط کی تخلیق کے وہ مرکزی کردار بتائے جا رہے ہیں، قوم تقریریں نہیں سننا چاہتی، عدالت جائیں اور ثبوت دکھائیں۔
شاہد خاقان کا مزید کہنا تھا کہ شاہ محمود باہرباتیں کرنے کے بجائے کمرہ عدالت میں جائیں اور سوالات کے جواب دیں۔
واضح رہے کہ شاہ محمود قریشی نے میڈیا سے گفتگو کرتے ہوئے کہا تھا کہ لگتا ہے اس اہم کیس کی آج آخری نشست ہوگی، ہمارے وکلاء اپنے دلائل مکمل کریں گے۔
شاہ محمود کا یہ بھی کہنا تھا کہ ڈپٹی اسپیکر نے کوئی بھی آئین شکنی نہیں کی، آئین کا حلف لے کر پارلیمان میں آئے تو آئین کو کبھی بھی نہیں توڑ سکتے، آئین سے ماورا قدم اٹھانا نہ ہماری سوچ ہے نہ ایسا کریں گے۔

اسلام آباد : (ویب ڈیسک) وزارت خزانہ نے ملکی قرضوں اور معیشت سے متعلق بیان جاری کیا ہے جس میں بتایا گیا ہے کہ عوامی قرضہ مالی سال2021میں کم ہوکرجی ڈی پی کا72فیصد ہوا۔
وزارت خزانہ کی رپورٹ کے مطابق مالی سال2020میں عوامی قرضہ جی ڈی پی کا76.6فیصد تھا، سال 2018سے2022کے دوران عوامی قرضہ3.3فیصد شرح سے بڑھا۔
سال2013سے2018کےدوران عوامی قرضہ8.2فیصد شرح سے بڑھا، کورونا وبا کے باوجود پاکستان اپنے قرض کا حجم کم کرنے میں کامیاب رہا۔
وزارت خزانہ کے مطابق جولائی2018تا فروری2022 کے دوران5ٹریلین نئے قرضے لئے گئے، ساڑھے3سال کے یہ قرضے اس مدت کے بنیادی خسارے کے برابر ہیں۔
گزشتہ10سال کے حاصل قرض پر ساڑھے 3سال میں9 کھرب سود ادائیگی ہوئی، زر مبادلہ کی شرح اور بیرونی قرضوں کا تخمینہ4.4ٹریلین روپے لگایا گیا ہے۔
رپورٹ میں بتایا گیا ہے کہ پی ٹی آئی حکومت نے ساڑھے 3سال میں5ٹریلین روپے کے نئے قرض لئے، یہ تمام قرضے غریب ترین گھرانوں اور عوام کی فلاح وبہبود پر خرچ کیلئے لئے گئے۔
کورونا بحران کے دوران حکومت نے2.5ٹریلین کا ریکارڈ مالیاتی پیکیج دیا، یہ پیکیج جی ڈی پی کے6فیصد یا16بلین ڈالر کے مساوی قرار دیا گیا، احساس پروگرام کے ذریعے15ملین خاندانوں کو نقد امداد دی گئی۔
وزارت خزانہ کی رپورٹ کے مطابق پروگرام میں آبادی کے تقریباً45فیصد حصے کو ریلیف دیا گیا، اس کے علاوہ حکومت نے12.7کروڑ سے زیادہ شہریوں کومفت ویکسی نیشن فراہم کی۔
صارفین کے ریلیف کے لیے تمام پیٹرولیم مصنوعات پر ٹیکس صفرکیا گیا، قیمتیں منجمد کرکے پیٹرول150روپے فی لیٹرپر فراہم کیا گیا۔
رپورٹ میں بتایا گیا ہے کہ بنگلادیش میں پیٹرول187روپے اوربھارت میں244روپے لیٹر ہے، کم اور متوسط گھرانوں کو ماہانہ بلوں میں5روپے فی یونٹ ریلیف دیا گیا۔
عوام کو توانائی شعبےمیں300ارب روپے کا ریلیف فراہم کیا گیا، احساس راشن اسکیم، صحت انصاف کارڈ فلاح وبہبود کے منصوبے شروع کئے۔

لاہور: (ویب ڈیسک) اپوزیشن نے سپیکر چودھری پرویز الہی کے خلاف تحریک عدم اعتماد جمع کروا دی۔ اپوزیشن نے تحریک عدم اعتماد پنجاب اسمبلی کے سپیشل سیکرٹری چودھری عامر حبیب کو جمع کروائی۔
اسپیکر پنجاب اسمبلی چودھری پرویز الہی کے خلاف جمع کرائی گئی قرارداد میں کہا گیا کہ پرویز الہی پر اس ایوان کی اکثریت کا اعتماد نہیں رہا، صوبہ پنجاب کے معاملات آئین پاکستان کے مطابق نہیں چلائے جا رہے ہیں، اسپیکر پنجاب اسمبلی نے صوبہ پنجاب میں جمہوری روایات کا قلع قمع کیا ہے۔

لاہور: (ویب ڈیسک) مسلم لیگ ن نے وزیر اعلی پنجاب کے انتخابات کرانے کے لیے پٹیشن تیار کرلی۔ حمزہ شہباز کل لاہور ہائیکورٹ میں آئینی درخواست دائر کریں گے۔
حمزہ شہباز کی جانب سے درخواست میں سپیکر، ڈپٹی سپیکر اور دیگر کو فریق بنایا گیا ہے۔ درخواست میں موقف اپنایا گیا کہ یکم اپریل سے چیف منسٹر پنجاب کا عہدہ خالی ہے، عدالت سے استدعا ہے کہ پنجاب اسمبلی کا سیشن کال کر کے فوری چیف منسٹر کے انتخابات کرائے جائیں، پنجاب اسمبلی کے احاطے کو سیل کرنے کا اقدام بھی غیر قانونی ڈکلئیر کیا جائے۔ حمزہ شہباز کی طرف سے درخواست کل دائر کی جائے گی۔