لاہور : (ویب ڈیسک) پاکستانی اداکارہ فائزہ خان نے گھر میں سابق صدر آصف زرداری یا مولانا فضل الرحمان کی تصویر فریم کراکے لگوانے کے سوال پر سابق صدر کا نام لیا۔
اداکارہ فائزہ خان گلوکار ابرار الحق کے ہمراہ نجی ٹی وی چینل کے ایک شو میں شریک ہوئیں جس دوران میزبان واسع چوہدری نے دونوں شخصیات کو آپشن دے کر مختلف قسم کے سوالات کیے۔
میزبان نے فائزہ سے سوال کیا کہ اسپیس راکٹ میں اگر چاند پر جانے کا اتفاق ہو اور ساتھ میں ایک سیٹ بھی خالی ہو لیکن جسے آپ ساتھ لے جانے کے لیے منتخب کریں وہ واپس نہیں آسکتا تو آپ کس شخص کا انتخاب کریں گی؟اداکارہ نے میزبان کے آپشن سنے بغیر ہی یاسر حسین کا نام لیا۔
بعد ازاں اداکار ہ فائزہ نے گوہر رشید اور فیصل قریشی کا آپشن سن کر گوہر کو بھی چاند پر چھوڑ آنے کی خواہش کا اظہار کیا۔
دوسری جانب واسع چوہدری نے فائزہ خان سے سوال کیا کہ اگر مجبوری کے تحت آپ کو بڑی سی تصویر فریم کرکے گھر میں لگانی پڑے تو آپ مولانا فضل الرحمان کو دیکھنا چاہیں گی یا آصف زرداری کو ؟
جس پر اداکارہ نے آصف زرداری کو دیکھنے کی خواہش کا اظہار کیا۔

دبئی : (ویب ڈیسک) بھارت کے معروف گلوکار اور رئیلٹی شو بگ باس سیزن 14 کے رنر اپ اور خطروں کے کھلاڑی کے امید وار راہول ویدیا کا دبئی میں ایک پاکستانی مداح نے دل جیت لیا۔
راہول ویدیا ان دنوں دبئی میں موجود ہیں جہاں سے انہوں نے انسٹاگرام اسٹوری پر ایک مداح کے ساتھ تصویر شیئر کی۔
سوشل میڈیا صارفین سمیت بھارتی میڈیا میں یہ تصویر تیزی سے وائرل ہوئی جس کی وجہ گلوکار کی جانب سے لکھا گیا کیپشن تھا۔
انہوں نے بتایا کہ یہ دبئی میں پاکستانی ٹیکسی ڈرائیور ہیں جنہوں نے مجھ سے کہا کہ وہ مجھ سے میرا 50 درہم کا کرایہ وصول نہیں کریں گے۔
راہول نے لکھا کہ اس پرستار نے مجھے وجہ بتائی کہ میں آپ کا بگ باس سے فین ہوں۔
گلوکار نے کہا کہ یہ دبئی میں رہنے کے لیے ٹیکسی چلاتا ہے لیکن اس کے اس انداز نے میرا دل جیت لیا۔راہول کا کہنا تھا کہ میں نے اس سے اصرار کیا کہ وہ کرایہ لے اور آخر میں اس کی جانب سے بڑا دل دکھانے پر میں نے اسے دُگنا معاوضہ دیا۔
راہول ویدیا کی پاکستان مداح کے ہمراہ یہ تصویر سوشل میڈیا پر مقبول ہے جس پر پاکستانی سمیت بھارتی صارفین بھی ٹیکسی ڈرائیور کو سراہ رہے ہیں۔
واضح رہے کہ راہول ویدیا نے بگ باس سیزن 14 میں شرکت کی تھی، اس سیزن سے راہول کی مقبولیت میں خاصہ اضافہ ہوا۔ ان کے مشہور گانوں میں یاد تیری، شاید پھر سے، مدھانیا اور گربے کی رات شامل ہیں۔