لاہور میں پریس کانفرنس کے دوران بلاول بھٹو زرداری نے کہا کہ جنوری سے وہ لاہور کا شہری بن کر یہیں رہیں گے اور سیاست کریں گے، جھنگ کے الیکشن کی انتخابی مہم تکلیف دہ تھی۔ میں عام سیاست دان نہیں شہید کا بیٹا ہوں، میں سمجھتا ہوں کہ عوام کو انصاف نہیں مل رہا، دہشت گردی پر سیاست کے بجائے اس کے خلاف اتحاد بناو¿ں گا، دہشت گردی کےخلاف کاز اور مشن یکساں ہوں تو سب مل کر کام کریں گے۔چیئرمین پیپلز پارٹی نے کہا کہ ان کے اور عمران خان کے انداز میں فرق ہے، وہ عمران خان کی طرح دھمکی نہیں دے رہے بلکہ اپنے منصوبے کے مطابق آگے بڑھ رہے ہیں۔ ہم حکمرانوں کا جمہوری احتساب چاہتے ہیں، ہم نے حکومت سے 4 مطالبات کیے ہیں ، اگر یہ مطالبات نہ مانے گئے تو 27 دسمبر کو لانگ مارچ کااعلان کریں گے۔ ان کے اعلان کا یوٹرن نہیں ہو گا۔ انہوں نے کہا کہ لگتا ہے کہ انتخابات 2017 میں ہوں گے اور امید ہے کہ اگلا الیکشن پیپلز پارٹی جیت جائے گی۔

ؒلاہور (ویب ڈیسک) اپنی تقریر میں بلاول بھٹو نے موجوہ حکومت کو تنقید کانشانہ بناتے ہوئے کہا کے میرا پسندیدہ نعرہ ہے۔ گو نواز گو، حکو مت ہمارے چار مطالبا ت تسلیم کرے ۔ وزیر داخلہ کو ہٹایانہ گیاتو وزیر اعظم کیخلاف احتجاج کرینگے۔ سیاست ہمارے لئے خدمت ہے۔28 سال کاہوں اگر وزیر اعظم نے ہمارے مطالبات نہ مانے تو 2018 کو میں وزیر اعظم بنو ں گا عوام کی مدد سے۔ لاڑکانہ 207 سے ضمنی الیکشن لڑنے کااعلان بھی کر ڈالا۔

لاہور(ویب ڈیسک) بلاول بھٹو نے صوبائی دارالحکومت میں ورکرز کنونشن سے خطاب کیا۔ اس موقع پر بلاول بھٹو کو راوئتی دستار بھی پہنائی گئی۔ کارکنان سے خطاب کرتے ہوئے بلاول بھٹو کا کہنا تھا کہ پیپلز پارٹی کی تنظیمیں پورے بلوچستان میں تحصیل لیول تک بنائی جائیں گی۔ بلاول نے دعویٰ کیا کہ 2018ء کے انتخابات پیپلز پارٹی جیتے گی۔ ان کا کہنا تھا کہ 2018ء کے انتخابات میں پیپلز پارٹی بلوچستان میں فتح یاب ہو گی۔ بلاول نے دعویٰ کیا کہ بلوچستان کے کچھ سیاستدان چور دروازے سے نواز شریف سے ڈیل کر رہے ہیں اور بلوچستان کے عوام کو اعتماد میں نہیں لیا جا رہا۔

لاہور(ویب ڈیسک) پیپلز پارٹی کے یوم تاسیس کی تقریب سے خطاب کرتے ہوئے چیئرمین بلاول بھٹو زرداری نے کہا میرے نانا شہید کو بھی لاہور نے عزت دی تھی اور 1986 میں میری ماں کا بے نظیر استقبال کیا گیا اسی لیے ہم نے لاہور کو انقلاب کے لیے چ±نا ہے۔ انہوں نے کہا محترمہ نے کسی چوک پر دھرنا اور کسی کو گالی نہیں دی تھی اور نہ ہی محترمہ نے کسی ریاستی ادارے پر حملہ کیا تھا۔ مہذب کے بیوپاری سب سے بڑی بیماری ہے۔ مہذب کے بیوپاریوں سے وہ باغی تھی اور میں بھی باغی ہوں۔ انہوں نے اپنے خطاب میں کہا پیپلز پارٹی چاروں صوبوں کی زنجیر ہے ہر آمر غاصب حکمران نے زنجیر کو توڑنے کی کوشش کی۔ لاہور شہر میں نئی پیپلز پارٹی جنم لے رہی ہے۔ پورے ملک میں ڈسٹرکٹ آرگنائزیشن کا عمل جاری ہے۔ بلاول بھٹو نے کہا ہم ایک نیا منشور اور ایجنڈا لیکر آئیں گے۔ ایسا ایجنڈا جو پاکستان کے لیے پروگریسو پلیٹ فارم ہو گا۔ نئی جمہوری ریفارمز کے لیے جدوجہد کریں گے اور ہر سطح پر انقلابی ریفارمز کرائیں گے۔ ان کا مزید کہنا تھا بیوروکریسی اور جوڈیشیری میں ریفارمز لائیں گے اگر انصاف وقت پر نہیں دیا جائے وہ انصاف نہیں ہوتا۔ کیسا انصاف بھٹو کے لیے پھانسی اور محترمہ کے دہشت گردوں کو آزادی ہے۔ ان کا یہ بھی کہنا تھا یوسف رضا گیلانی کو صرف خط نہ لکھنے پر نااہل کر دیا گیا۔ دنیا کے سب سے بڑا پاناما اسکینڈل پر ادارے خاموش ہیں۔ اپنے بچوں کے لیے خصوصی سیکیورٹی اور شہیدوں کے بچوں کو اس حق سے محروم کیا گیا۔ پیپلز پارٹی نے ملک کو آئین دیا ہم سے زیادہ آئین کوئی نہیں جانتا۔ بلاول بھٹو نے ایک بار پھر اپنے چار مطالبات دہراتے ہوئے کہا میاں صاحب چار مطالبات مان لیں 27 دسمبر زیادہ دور نہیں۔ بھٹو کی تازہ دم فوج تیار ہو رہی ہے۔ لگ رہا ہے وزیراعظم چار مطالبات نہیں مانیں گے تو پھر 27 دسمبر کو دما دم مست قلندر ہو گا۔ ہم سب ملکر تخت رائے ونڈ کی آمریت کو گرائیں گے۔ محترمہ شہید کی طرح جمہوری طریقہ استعمال کریں گے۔ کہتے ہیں ہمیں سڑکوں پر آنے پر مجبور نہ کیا جائے اگر بھٹو سڑکوں پر نکلا تو پورا لاہور، پنجاب بلکہ پورا پاکستان باہر آ جائے گا پھر آپ کو لگ پتا جائے گا۔ بلاول نے کہا 27 دسمبر کو محترمہ ہم سے جدا کر دی گئی۔ آصف زرداری نے پاکستان کھپے کا نعرہ لگایا تھا جب پورا پاکستان جل رہا تھا تو کہا تھا جمہوریت بہترین انتقام ہے۔ بی بی نے خون دے کر ہمیں جمہوریت دلوائی۔ اپنے خطاب میں مزید کہا نواز شریف کا ہر ظلم برداشت کر کے نواز شریف کو تیسری بار وزیراعظم بنایا کیا ہم ناکام رہے؟۔ صوبوں کو آزادی دی، گوادر پورٹ اور سی پیک کی بنیاد رکھی۔ آئین بحال کیا اور پختونخوا کو نام دیا پھر بھی کہا گیا ہم ناکام رہے۔