غازی آباد (ویب ڈیسک) ڈاکٹر نے نرس کو نوکری کے پہلے روز ہی زیادتی کا نشانہ بنا ڈالا۔ نواحی گاﺅں 111/7-R کی فرحت اقرار زوجہ محمد اسرار بنگلہ اوکانوالہ میں واقع ڈاکٹر امجد فاروق کے کلینک پر بطور نرس تعینات ہوئی اور پہلے روز ہی ڈاکٹر امجد فاروق نے اسے زبردستی اپنی ہوس کا نشانہ بنا ڈالا۔روزنامہ نوائے وقت کے مطابق پولیس نے مقدمہ درج کر لیا۔

اسلام آباد(خصوصی رپورٹ)پاکستان مےں رجسٹرڈ ڈاکٹروں کی تعداد اےک لاکھ 95 ہزار 8 سو 96 ہے، 997 افراد کےلئے اےک ڈاکٹر 1584 افراد کےلئے ہسپتالوں مےں اےک بستر موجود ہے۔ سرکاری دستاویز مطابق آبادی مےں تےزی سے ہونے والا اضافہ عوام کو طبی سہولےات کی فراہمی مےں اےک بڑی رکاوٹوں مےں سے اےک ہے۔ سرکاری اعداد و شمار کے مطابق ملک مےں اس وقت 997 افراد کے لےے اےک ڈاکٹر، 10 ہزار 6 سو 58 افراد کے لےے اےک ڈےنٹسٹ اور 1584 افراد کے لےے ہسپتالوں مےں اےک بستر کی سہولت موجود ہے۔ اسی طرح سے ملک مےں مجموعی طور پر 1201 ہسپتال، 5518 بنےادی مراکز صحت، 683 دےہی مراکز صحت، 5802 ڈسپنسرےاں اور 731 ذچہ بچہ سنٹر قائم ہےں۔ ملک مےں ٹی بی کنٹرول کے لےے 347 مراکز ہےں جن مےں سے اےک لاکھ 23 ہزار 394 بستروں کی سہولت موجود ہے۔ ملک مےں مجموعی طور پر رجسٹرڈ ڈاکٹروں کی تعداد اےک لاکھ 95 ہزار 896، رجسٹرڈ ڈےنٹسٹس کی تعداد 18 ہزار 333، رجسٹرڈ نرسوں کی تعداد99 ہزار 228 ہے۔ ملک بھر مےں صحت کا انفراسٹرکچر ہونے کے باوجود عوام کو طبی سہولےات بہتر طور پر فراہم نہ ہونے کی بڑی وجہ آبادی مےں تےزی سے ہونے والا اضافہ ہے اسی طرح سے صحت کے شعبے کے ماہرےن ملک مےں غےر مساوےانہ تقسےم، غےر تربےت ےافتہ طبی ورک فورس، بجٹ کی کمی اور معےاری صحت کی سہولےات تک محدود رسائی بھی طبی سہولےات کی فراہمی متاثر کرنے کی وجوہات ہےں۔ بڑے شہروں میں سینئر پروفیسرز جو مختلف ہسپتالوں اور میڈیکل کالجز میں پڑھاتے ہیں وہ زیادہ وقت سرکاری ہسپتالوں کی بجائے پرائیویٹ کلینکنس اور پرائیویٹ ہسپتالوں میں دیتے ہیں۔ دوسری جانب پاکستان میں ڈاکٹروں کی بہتر تنخواہیں اور مراعات اور بروقت نوکریاں نہ ملنے سے بڑی تعداد میں قابل ڈاکٹروں ملک چھوڑ گئی ہے۔ سرکاری ہسپتالوں میں کام کرنے والے ڈاکٹرز کی بڑی تعداد زیادہ محنت پرائیویٹ ہسپتالوں میں کرتی ہے۔

گوجرانوالہ (خصوصی رپورٹ) سرکاری ہسپتال کے ڈاکٹروں نے مریض اور مردے کو ایک ہی بیڈ پر لٹا کر انوکھا کارنامہ سرانجام دے دیا، متوفی کے ورثاءکی چیخ و پکار پر معمر مریض کے اپنے پسینے چھوٹ گئے۔ تفصیلات کے مطابق ڈسٹرکٹ ہیڈکوارٹر ہسپتال کے وارڈ نمبر دس میں ایمن آباد کے محمد عالم کو سانس کی تکلیف کے باعث طبی امداد کی فراہمی کیلئے لایا گیا جہاں پر وہ کچھ دیر موت وحیات کی کشمکش میں مبتلا رہنے کے بعد جان کی بازی ہار گیا۔ اسی دوران وارڈ میں آنے والے معمر مریض غلام رسول کو ڈاکٹروں نے مردے کے ساتھ لٹا دیا جبکہ متوفی کے ورثاءپاس بیٹھ کر چیخ و پکار کرتے رہے جس پر علاج کیلئے آنے والے مریض کے اپنے پسینے چھوٹ گئے، بعدازاں متوفی کے ورثاءنعش کو لے کر وہاں سے روانہ ہو گئے۔ مریض کے لواحقین کا شدید احتجاج۔ اس حوالے سے ہسپتال انتظامیہ کا کہنا تھا کہ اس معاملے کی انکوائری کی جارہی ہے۔

گلگت (نیوز ایجنسیاں) گلگت بلتستان کی صوبائی حکومت نے محکمہ صحت میں کنٹریکٹ پر بھرتی ہونے والے ڈاکٹروں کی ملازمتوں کو مستقل کرنے کا فیصلہ کر لیا ہے۔ وزیر اعلی گلگت بلتستان کی جانب سے جاری احکامات کی روشنی میں کئے گئے اس اس فیصلے کے تحت ایسے تمام ڈاکٹرز جنہوں نے اپنی سروس کے دو سال مکمل کرلیئے ہیں انکو مستقل کیاجارہاہے۔ سیکریٹری صحت گلگت بلتستان سعید اللہ خان نیازی کے دفتر سے جاری ایک اعلامیہ کے مطابق وزیر اعلی گلگت بلتستان حفیظ الرحمن کے احکامات کے تحت سپیشل پے ( تنخواہ) کا پیکج منظور کئے جانے کے بعد ان ڈاکٹرز کو خصوصی تنخواہوں کی فراہمی کے لیئے نیشنل بنک آف پاکستان میں اکاوئنٹ بھی کھلوایا جا چکا ہے ۔ سالانہ 170ملین روپے خصوصی تنخواہوں کی مد میں ڈاکٹروںکو ادا کئے جائیں گے۔اعلامیہ کے مطابق ہسپتالوں میں ڈاکٹروں کی دستیابی کو یقینی بنانے کے لئے صوبائی حکومت نے یہ اہم ترین اقدامات کئے ہیں ۔ موجودہ حکومت کے دور کے آغاز سے پہلے گلگت بلتستان میں 170ڈاکٹرزمختلف ہسپتالوںمیں ڈیوٹیاں سرانجام دے رہے تھے جن کی تعداد اب بڑھ کر 400تک پہنچ چکی ہے۔ صوبائی حکومت کی جانب سے عوام دوست اقدامات اور صحت جیسے اہم شعبے میں اصلاحات کی بدولت صوبے کے تمام ہسپتالوں میں ڈاکٹروںکی کمی کو پور ا کیا جا رہا ہے تاکہ شہریوں کوصحت کی سہولیات میں آسانیاںمیسر ہوسکے ۔

لاہور(ویب ڈیسک) علاج کے لئے جنرل ہسپتال آنے والے شہری پر ینگ ڈاکٹرز نے گھونسوں اور تھپڑوں کی بارش کردی۔ لاہور کا شہری توقیر دھند کے باعث موٹر سائیکل سے گر کر زخمی ہوا تو علاج کے لئے سیدھا جنرل ہسپتال پہنچا جہاں اس نے انتظامیہ کو ایمرجنسی علاج کے لئے کہا لیکن ینگ ڈاکٹرز نے مریض کا علاج کرنے کے بجائے اس کا بھرکس نکال دیا اور اس پر گھونسوں اور تھپڑوں کی بارش کردی۔ہسپتال میں موجود سیکورٹی گارڈز نے زخمی مریض کو ڈاکٹرز کے چنگل سے بچایا اور پھر اسے بغیر علاج کے ہی گھر بھیج دیا۔