ممبئی(ویب ڈیسک)خوبصورت اور نیلی آنکھوں کے مالک بالی ووڈ ایکشن ہیرو ہریتھک روشن نے بعد از مرگ آنکھیں عطیہ کرنے کا فیصلہ کرلیا۔بالی ووڈ اسٹار ہریتھک روشن نے حال ہی میں اپنی فلم ”کابل“ میں نابینا شخص کا کردار ادا کیا ہے اور فلم باکس آفس پر ”رئیس“ سے مقابلے کے باعث کوئی خاطر خواہ کامیابی حاصل نہیں کرسکی لیکن فلم میں نابینا افراد کے مسائل کو قریب سے دیکھنے کے بعد ایکشن ہیرو نے زندگی کا سب سے بڑا فیصلہ کرلیا ہے۔ بھارتی میڈیا رپورٹس کے مطابق ہریتھک روشن اپنی خوبصورت آنکھوں کے باعث کئی بار پرکشش شخصیت کا اعزاز اپنے نام کرچکے ہیں لیکن اب انہوں نے فلم ”کابل“ میں نابینا افراد کے مسائل کو قریب سے سمجھنے کے بعد ” بعد از مرگ “ اپنی آنکھیں عطیہ کرنے کا فیصلہ کیا ہے جب کہ انہوں نے اپنے فیصلے سے آنکھوں کے چیریٹی ہسپتال کوبھی آگاہ کردیا ہے۔

ممبئی(ویب ڈیسک)بولی وڈ اداکارہ پریانکا چوپڑا اور دپیکا پڈوکون کے بعد اب اداکار ہریتھیک روشن بھی ہولی وڈ کیریئر کے آغاز کے خواہشمند ہیں۔ ایک رپورٹ کے مطابق طویل عرصے سے قیاس آرائیاں تھیں کہ ہریتھیک روشن بھی ہولی وڈ میں فلم میں کام کرنے جارہے ہیں اور اس حوالے سے جب اداکار سے سوال کیا گیا تو انہوں نے کہا کہ ‘میں ہولی وڈ میں ایک اچھے اسکرپٹ کی تلاش میں ہوں، میں بولی وڈ میں بھی یہی کرتا ہوں، میرے لیے اسکرپٹ سب سے اہم ہے، اور اگر ایسا کچھ ہوتا ہے میں سب کو ضرور بتاوں گا’۔واضع رہے کہ ہریتھیک روشن کے لکس کو ہولی وڈ کے کامیاب اداکار بریڈلی کوپر سے مشابہہ کیا جاتا رہا ہے، اپنے 17 سالہ بولی وڈ کیریئر میں ہریتھیک روشن نے کئی شاندار پرفارمنسز دی ہیں۔خیال رہے کہ بولی وڈ کے کئی معروف اداکار ہولی وڈ میں اپنی قسمت آزما چکے ہیں، جن میں انیل کپور، اوم پوری، امیتابھ بچن اور عرفان خان وغیرہ شامل ہیں، اور اگر ہریتھیک کو کوئی اچھی اسکرپٹ آفر ہوئی تو یقیناً وہ بھی ان اداکاروں کی فہرست میں شامل ہوجائیں گے۔اس وقت ہریتھیک روشن اپنی بولی وڈ فلم ‘قابل’ کی تشہیر میں مصروف ہیں، فلم رواں ماہ 25 جنوری کو نمائش کے لیے پیش کی جائے گی۔

ممبئی(ویب ڈیسک) بالی ووڈ کے مایہ نازاداکارہریتھک روشن کا کہنا ہے کہ وہ ہرکام کی قابلیت رکھتے ہیں جو وہ اپنی زندگی میں کرنا چاہتے ہیں۔ بالی ووڈ اداکارہریتھک روشن نے اپنی نئی آنے والی فلم “کابل” کے ایک گانے کی لاو¿نچنگ کی تقریب کے موقع پرکہا کہ میں وہ سب کچھ کرنے کے قابل ہوں جوکرنا چاہتا ہوں اورمیں سمجھتا ہوں کہ ہم سب کی یہ ہی سوچ ہونی چاہیئے۔ ہریتھک روشن نے کہا کہ اگر آپ کو خود پریقین نہ ہو تو آپ کچھ نہیں کرسکتے ہیں، اس لیے ہمیں سوچنا چاہیئے کہ ہم زیادہ سے زیادہ کام کرنے کے قابل ہیں۔اداکارنے اپنی نئی آنے والی فلم “کابل” کے حوالے سے کہا کہ یہ فلم میرے لیے بہت چیلنجنگ ہے، اس فلم میں ایسا کردار ہے جس کے لیے مجھے زیادہ سے زیادہ وقت اور محنت کرنی تھی، بطور اداکار مجھے یہ احساس ہوا ہے کہ ایک نابینا شخص کا کردارکرنا بہت مشکل ہے جب کہ خاص طور پرکردار کے لیے اپنے تاثرات کا ڈھالنا بہت اہم ہے