اسلام آباد ( ویب ڈیسک ) امیر جماعت اسلامی سراج الحق نے سپریم کورٹ کے باہر میڈیا سے گفتگو میں کہا ہے کہ پانامہ کیس کے فیصلہ تک وزیراعظم کو چاہئے کہ وہ اپنے عہدے سےالگ ہو جائیں ۔ پانامہ سکینڈل سے حکومت بدنام ہوئی ۔ ہم چاہتے ہیں کہ عدالت میں ہی مسئلہ حل ہو جائے ۔ پانامہ پیپرز میں شامل سب لوگوں کا احتساب ہونا چاہئے ۔ نیب نے اس ملک کو مشکلات میںڈالا ہے

اسلام آباد (ویب ڈیسک)وزیر اعظم میاں نواز شریف اور تحریک انصاف کے سربراہ عمران خان کیخلاف الیکشن کمیشن میں دائر درخواستوں کا حتمی فیصلہ آگیا ہے ۔عدالت نے درخواست گزار وں سے پوچھا کہ آ پ نے جو الزامات لگائے اُن کے ثبوت کہاں ہیں ؟اگر آپ مکمل سنجیدہ ہیں تو ان کے ثبوت مکمل شواہد کیساتھ پیش کریں ۔اس کے ساتھ ہی عدالت نے نواز شریف اور عمران خان کیخلاف نااہلی کی درخواستوں کو مسترد کر دیا ۔

اسلام آباد (مانیٹرنگ ڈیسک)پارلیمنٹ کے مشترکہ اجلاس میں خطاب کرتے ہوئے وزیر اعظم نواز شریف نے کہا کہ کشمیر مسلسل آتش فشاں کی طرح سلگ رہاہے، کشمیر میں انسانی حقوق کی سنگین پامالی ہورہی ہے، کشمیری سردھڑ کی بازی لگا کر تحریک آزادی کو چلا رہے ہیں، برہان وانی کی شہادت نے کشمیریوں کی تحریک آزادی کو فیصلہ کن موڑ پر لے آئی ہے۔ 7 لاکھ بھارتی قابض فوج کے باوجود کشمیریوں کے جذبہ حریت کو دبایا نہ جا سکا، بھارت کشمیریوں کوان کے حق سے محروم نہیں کرسکتا، معصوم لوگوں کے چہرے مسخ کرنے سے تحریک کا راستہ نہیں روکاجاسکتا۔وزیر اعظم نے کہا کہ کشمیرسمیت تمام معاملات مذاکرات سے حل کرنا چاہتے ہیں، ہم جنگ کے خلاف ہیں، خطے میں امن چاہتے ہیں، بھارت کشمیر سے توجہ ہٹانے کے لئے پاکستان پر الزام تراشی کر رہا ہے، اڑی حملے کی ذمہ داری بغیرتحقیقات کے پاکستان پرڈال دی گئی۔ کسی کی دھونس کو خاطرمیں نہیں لائیں گے۔ ہم ہرقسم کی دہشت گردی کے خلاف ہیں، ہم حقیقی معنوں میں عوام میں تبدیلی لانے کے لیے جدوجہد کررہے ہیں، یہ کام بارود ، آگ اور خون کے ذریعے ممکن نہیں، ا±ن کی خواہش ہے کہ غربت اور بے روزگاری کے خاتمے میں مقابلہ ہو لیکن بے روزگاری اورغربت کے خلاف جنگ بارود سے نہیں لڑی جاسکتی۔وزیر اعظم نے کہا کہ تحریک آزادی کی باگ دوڑکشمیری نوجوانوں کے ہاتھ میں آگئی ہے۔ اہل کشمیر کے ساتھ پاکستان کا تاریخی رشتہ ہے، پاکستان کشمیریوں سے ہر قسم کا تعاون برقرار رکھے گا، آج ہم پھر کشمیریوں کی آزادی کے عزم کااعادہ کرتے ہیں۔مسئلہ کشمیر کے حل سے متعلق وزیر اعظم نے کہا کہ مسئلہ کشمیر کے حل کے بغیر خطے میں پائیدار امن قائم نہیں ہوسکتا، ہم نے ہر ممکن کوشش کی بھارت مذاکرات کی میز پر آئے لیکن بھارت نے ہمیشہ مذاکرات کی بات کو مسترد کیا اور مذاکرات کی حوصلہ شکنی کی۔ کشمیر کو اٹوٹ انگ قرار دے کر اقوام متحدہ کی قراردادوں کا مذاق اڑایا جارہا ہے لیکن بھارت عالمی برادری سے کیے گئے وعدوں سے کشمیریوں کو محروم نہیں کر سکتا۔