ممبئی(خصوصی رپورٹ) بالی ووڈ اداکارہ سوناکشی سنہا نے کہا کہ وہ گھر میں سب سے چھوٹی ہونے کی وجہ سے بچپن میں والدین کی سب سے زیادہ لاڈلی تھیں،انکے بڑے بھائی ہمیشہ انہیں سنبھالتے اوران کی چھوٹی چھوٹی چیزوں کا خیال رکھتے تھے ۔انہوں نے کہا انکے بھائیوں اور انکے درمیان کبھی کوئی مقابلہ یا موازنہ نہیں کیا گیا ۔
ممبئی (خصوصی رپورٹ)اکشے کے بعد سوناکشی کا بھی نمستے انگلینڈ” میں کام کرنے سے انکار۔گذشتہ دنوں ہدایت کار اور فلم ساز وپل امرت لال شاہ نے فلم کے سیکوئل میں صرف ہیروئن کو تبدیل کرتے ہوئے سوناکشی سنہا کو منتخب کیا تھا، جب کہ ہیرو کے لیے اکشے کمار ہی منتخب کیے گئے تھے مگر اکشے کمار مصروفیت کے باعث انہیں وقت نہیں دے پا رہے تھے، جس کے بعد ہدایت کار نے اکشے کمار کو خارج کرتے ہوئے اس کی جگہ ارجن کپور کو کاسٹ کیا۔پروڈیوسر کی جانب سے اکشے کمار کو خارج کیے جانے کی خبر سننے کے بعد اداکارہ سوناکشی سنہا نے بھی فلم میں کام کرنے سے انکار کردیا۔سوناکشی سنہا کے بعد پروڈیوسر نے پرینیتی چوپڑا کو فلم کی کاسٹ میں شامل کیا، تاہم یہ واضح نہیں ہے کہ فلم کی شوٹنگ کب شروع ہوگی۔
ممبئی(ویب ڈیسک )سوناکشی سنہا کا کہنا ہے کہ ہر کسی کو خوش رکھنا ممکن نہیں ہے۔ اس لئے صرف وہ کرتی ہوں جس سے خود خوش رہوں۔سوناکشی سنہا کا کہنا ہے کہ ہر کسی کو خوش رکھنا ممکن نہیں ہوتا، اس لئے صرف وہ کرتی ہوں جس سے خود خوش رہوں۔ رپورٹس کے مطابق سوناکشی کا کہنا ہے کہ اگر کوئی مجھے پسند کرتا ہے تو بہت اچھا ہے اور اگر نہیں کرتا تو بھی اچھا ہے۔ یہی وجہ ہے میں اپنی شرائط پر کام کرتی ہوں اور کسی بھی جانب سے دباو¿ کو خاطر میں نہیں لاتی۔
ممبئی(شوبز ڈیسک )بالی وڈ کی دبنگ اداکارہ کا کہنا ہے کہ وہ ’فورس ٹو ‘ میں جان ابراہم کے ہم پلہ انتہائی مضبوط کردار ادا کررہی ہیں، جان انہیں ایک مخصوص نام سے کیوں پکارتے ہیں اس کی وجہ بھی بتادی۔خود کو سوشل میڈیا پر’ شوٹ گن جونیئر‘ کے نام سے پہچانے جانے کی خواہش مند سوناکشی آنے والے دنوں میں جان ابراہم کے ہمراہ بالی وڈ فلم ’فورس ٹو ‘ جلوہ گر ہوں گی۔ ان کے مطابق یہ فلم دو ’ہیروز‘ کی فلم ہے اوروہ اور جان ابراہم یکساں ایکشن میں نظرآئیں گے۔وہ زمانہ اب ختم ہورہا ہے جب سوناکشی سنہا کو ان کے وزن یا کپڑوں کی وجہ سے خبروں میں جگہ ملتی تھی۔ اکیرا کے بعد ان کی ایک اور ایکشن فلم فورس ٹو اب لائن میں موجود ہے جس کے سبب ان کی اداکارانہ صلاحیتوں اور سب سے بڑھ کر ایکشن سے متعلق صلاحیتوں پر بات کی جارہی ہے۔ایک سوال کے جواب میں سوناکشی سنہا کا کہنا تھا کہ مجھے ایکشن پر مبنی کردار ہی پسند ہیں کیوں کہ ان میں ’میری اصل ‘ صلاحیتیں نظر آتی ہیں، انہوں نے مزید کہا کہ وہ کوئی روتی دھوتی لڑکی نہیں بلکہ ایک ایتھلیٹ ہیں۔ان کا کہنا تھا کہ کیا ہوا وہ لڑکی ہے ، اگر ’اکیرا‘ سے ثابت نہیں ہو اکہ لڑکیا ں بھی ایکشن سین کرسکتی ہیں تو فورس ٹو سے لوگوں کی غلط فہمی دور ہوجائے گی۔فورس ٹو کی ہدایت کاری کے فرائض ابھینے دیو انجام دے رہے ہیں اور اس فلم میں سوناکشی جان ابراہم کےہم پلہ بھارتی خفیہ ایجنسی را کے ایجنٹ کا کردار ادا کرتی نظر آرہی ہیں۔جان ابراہم سے پہلی ملاقات کے تاثر کے حوالے سے پوچھے گئےسوال کے جواب میں سوناکشی کا کہنا تھا کہ ”ابراہام سے پہلی ملاقات انتہائی زبردست تھی ‘ ان کا حسِ مزاح بہت عمدہ ہے۔ میں نے ایک غلطی کی کہ ان کے سامنے سے چاکلیٹ بار اٹھالی‘ آج تک وہ مجھے اسی نام سے پکارتے ہیں‘۔
