لاہور(آئی این پی) فلمسٹار میرا کے بعد قومی ٹیم کے سابق فاسٹ بالر شعیب اختر بھی اپنی گلابی انگریزی کی وجہ سے سوشل میڈیا پر مشہور ہوگئے ۔ تفصیلات کے مطابق شعیب اختر نے سماجی رابطے کی ویب سائٹ ٹویٹر پر مانٹ ایورسٹ سر کرنے والی پہلی خاتون کوہ پیما ثمینہ خان کے ہمراہ ملاقات کی تصویر شیئر کی تاہم ان کی انگریزی پڑھنے کے بعد بہت سے سوشل میڈیا صارفین کے ہنسی چھوٹ گئی اور کئی نے تو مذاق مذاق میں ان کے استاد کا پتہ لگانے کے لیے سی آئی ڈی کی مدد لینے کا مشورہ بھی دے ڈالا۔
