دبئی (اے پی پی) پاکستان انڈر 16 نے تیسرے اور فیصلہ کن ون ڈے میچ میں آسٹریلیا انڈر 16 کو 128 رنز سے شکست دے کر سیریز 2-1 سے جیت لی، روحیل نذیر کی شاندار سنچری کی بدولت پاکستان نے آسٹریلیا کو جیت کےلئے 243 رنز کا ہدف دیا، آسٹریلوی ٹیم ہدف حاصل کرنے میں ناکام رہی اور پوری ٹیم 24.2 اوورز میں 114 رنز بناکر آﺅٹ ہوگئی، نسیم شاہ اور آریش علی نے تین، تین وکٹیں حاصل کیں۔ تفصیلات کے مطابق گزشتہ روز آئی سی سی گلوبل اکیڈمی دبئی میں کھیلے گئے تیسرے اور آخری ون ڈے میچ میں پاکستان انڈر 19 نے پہلے بیٹنگ کرتے ہوئے 242 رنز بنائے، روحیل نذیر نے شاندار بیٹنگ کا مظاہرہ کیا اور 133 رنز کی دلکش اننگز کھیلی، دیگر بلے بازوں میں زین بن فاروق 23 اور حسنات عباس 21 رنز کے ساتھ نمایاں رہے۔ جورڈن کلاک نے 5 وکٹیں حاصل کیں۔ آسٹریلوی جونیئر ٹیم مطلوبہ ہدف حاصل کرنے میں ناکام رہی اور پوری ٹیم 24.2 اوورز میں 114 رنز بناکر آﺅٹ ہوگئی، زین کیگران 35 اور جورڈن کلارک 23 رنز کے ساتھ نمایاں رہے۔ نسیم شاہ اور آریش علی نے تین تین وکٹیں حاصل کیں۔
