اسلام آباد(ویب ڈیسک) وزیراعظم نواز شریف نے گزشتہ ماہ بند ہونے والی پاک افغان سرحد کو فوری طور پر کھولنے کے احکامات جاری کر دیئے۔وزیراعظم نواز شریف نے پاک افغان سرحد فوری طور پر کھولنے کے احکامات جاری کرتے ہوئے کہا کہ سرحدوں کا زیادہ دیر تک بند رہنا عوامی اور معاشی مفاد کے لئے نقصان دہ ہے۔ ان کا کہنا تھا کہ جذبہ خیر سگالی کے تحت پاک افغان سرحد کو کھولنے کا فیصلہ کیا تاہم امید ہے کہ جن وجوہات کی بناءپر سرحد بند کی گئی تھی افغان حکومت ان کا تدارک کرے گی۔