راولپنڈی (مانیٹرنگ ڈیسک) آرمی چیف جنرل قمر جاوید باجوہ نے کہا ہے کہ ہمارے شہدا ہمارے ہیرو ہیں ان کی قربانیاں رائیگاں نہیں جانے دیں گے۔ پاک فوج کے شعبہ تعلقات عامہ (آئی ایس پی آر) کے مطابق چیف آف آرمی سٹاف جنرل قمر جاوید باجوہ شہید کیپٹن جنید کے گھر ان کے والدین سے ملاقات کے لئے گئے۔ اس موقع پر انہوں نے شہید کی قربانی کو سراہا اور پاک فوج کے تمام شہید جوانوں کو خراج تحسین پیش کیا۔کیپٹن جنید نے صوابی میں شدت پسندوں کے ساتھ مردانہ وار لڑتے ہوئے جام شہادت نوش کیا تھا۔
