پورٹ آف اسپین(آئی این پی) ٹی اینڈٹی کرکٹ بورڈ کے صدر عظیم بصارت نے ٹنڈولکر کے نام سے اسٹینڈ منسوب کرنے کے فیصلے پر حیرت ظاہر کرتے ہوئے کہا کہ بھارت میں ویسے ہی بہت زیادہ اسٹیڈیم موجود اور وہاں پر کسی کا اسٹینڈ کسی ویسٹ انڈین کھلاڑی سے منسوب نہیں تو یہاں پر ایسا کیوں کیا جارہا ہے۔ انھوں نے واضح کیا کہ یہ اسٹیڈیم حکومت کی جانب سے مقامی کرکٹ بورڈ کے حوالے بھی نہیں کیا جارہا۔علاوہ ازیں اسپورٹس کمپنی آ ٹی اینڈ ٹی مائیکل فلپس نے کہاکہ برائن لارا کے مشورے پر ہی یہ اسٹینڈ ٹنڈولکر کے نام سے منسوب کیا گیا ہے۔