اسلام آباد (خصوصی رپورٹ) پاناما لیکس کیس کے فیصلے کے خلاف شریف فیملی کی جانب سے نظرثانی کی اپیل دائرکرنے پرغور کیا جا رہا ہے۔ ذرائع نے بتایا کہ بعض حکومتی ماہرین قانون نے حکام کو رائے دی ہے کہ سپریم کورٹ نے پاناما لیکس کے فیصلے میں جو آبزرویشنز دی ہیں ان کے خلاف نظرثانی کی اپیل دائر ہونی چاہیے کیونکہ اس فیصلے کی موجودگی میں جوائنٹ انویسٹی گیشن ٹیم آزادانہ کام نہیں کر سکے گی اور شریف فیملی کے لیے مشکلات ہو سکتی ہیں تاہم شریف فیملی کی لیگل ٹیم نے ابھی تک پاناما لیکس کے فیصلے کے خلاف نظرثانی اپیل داخل کرنے سے اتفاق نہیں کیا۔
