لندن(مانیٹرنگ ڈیسک) برطانوی انتظامیہ نے ہیتھرو ایئرپورٹ پر لینڈ کرنے والی پی آئی اے کی پرواز کے عملے کو کئی گھنٹوں تک حراست میں رکھ کر طیارے کی مکمل تلاشی لی ہے۔ پی آئی اے کی پرواز پی کے 758 لندن کے ہیتھرو ایئر پورٹ پر پہنچی، جہاز سے مسافروں کے اترنے کے بعد ائیرپورٹ انتظامیہ نے جہاز کے عملے کو حراست میں لے کر کئی گھنٹے تک تفتیش کی، ذرائع کے مطابق فلائیٹ کو خفیہ اطلاع پر روکا گیا تاہم تلاشی کے دوران عملے اور جہاز سے کچھ برآمد نہیں ہوا جس پر پرواز کو کلیئر کردیا گیا۔
