بھیرہ ( نمائندہ خبریں ) مبینہ ایزی لوڈ کے پیسے مانگنے پر مشتعل ہو کر بگڑے زمیندار نے ساتھیوں کے ہمراہ حملہ کر کے خاتون اور بچوں سمیت سات افراد کو زخمی کر دیا اور انہیں ننگا کر کے گھسیٹتے ہوئے ان کی وڈیو بناتے رہے ۔ بتایا گیا ہے کہ خیروکوٹ میں ساجد کوٹ دوکان سے ایزی لوڈ کرانے آیا تو رقم کے مطالبہ پر مشتعل ہو کر اس نے محمد اسلم وغیرہ پر حملہ کر کے انہیں بندوق کے بٹ مار کر زخمی کر دیا ۔ زخمی تحصیل ہسپتال بھیرہ میں طبی امداد کے لےے آئے تو انہیں سرگودھا ریفر کر دیا گیا ۔ جس پر بھی زمیندار کا غصہ ٹھنڈا نہ ہوا تو اس نے اندراج مقدمہ سے قبل ہی محمد اسلم کے بہنوئی مرتضی اور اس کے بچوں پر آتشیں اسلحہ سے مسلح ہو کر اپنے 18ساتھیوں کے ہمراہ حملہ کر دیا جس سے مرتضی اس کے بیٹے محمد آصف ، محمد ناصر ایک خاتون نگہت پروین اور دس سالہ سہیل عباس زخمی ہو گئے ۔ ملزمان مبینہ طور پر زخمیوں کو گھسیٹتے اور برہنہ کر کے ان کی وڈیو بھی بناتے رہے ۔ تحصیل ہیڈ کواٹر ہسپتال بھیرہ میں چیئر مین یونین کونسل تصور حیات قریشی نے میڈیا کو بتایا کہ اس سنگین واقع میں زخمی ہونے والوں کو ہسپتال میں سےاسی دباﺅ کے تحت خاطر خواہ طبی امداد نہیں دی جا رہی اور نہ ہی ڈیوٹی پر موجود ڈاکٹر مریضوں کی صحیح دیکھ بھال کر رہیں ہیں ۔ انہوں نے ڈائریکٹر ہیلتھ سروسز سرگودھا سے مطالبہ کیا ہے کہ وہ ہسپتال کے معاملا ت کو بہتر بنانے کے لیے فوری اقدامات اٹھائیں اور مریضوں کی مناسب دیکھ بھال کے احکامات جاری کریں ۔
