کراچی(آن لائن)پاکستان پیپلزپارٹی کے چیئرمین بلاول بھٹو زرداری نے کہا ہے کہ نواز شریف اور شہباز شریف گملا سیاستدان ہیں اور سفارش کے ذریعے آگے آئے، ان کا اصل احتساب انشاءاللہ 2018ءمیں بننے والی پیپلزپارٹی حکومت کرے گی، ترجمان بلاول ہا¶س سے ہفتے کو شہباز شریف کی جے آئی ٹی میں پیشی اور بعدازاں صحافیوں سے گفتگو سے متعلق ردعمل کے طور پر جاری کیے گئے بیان کے مطابق بلاول بھٹو نے کہا کہ شہید ذوالفقار علی بھٹو اور محترمہ بے نظیر بھٹو نے جمہوریت کے لئے قربانیاں دیں جن کے باعث جمہوریت مستحکم ہوئی، شریف برادران راﺅنڈ محلات کی40لاکھ روپے بناکر عوام کو بے وقوف نہ بنائیں، ابھی صرف ایک چوری پکڑی گئی ہے ڈاکے تو آگے ظاہر ہوں گے، انہوں نے کہا کہ شریف خاندان کا احتساب تو ہو رہا ہے لیکن ان کا اصل اور کڑا احتساب 2018ءکے عام انتخابات کے نتیجے میں بننے والی ہماری حکومت ہی کرے گی تاکہ ان کے کالے کرتوتوں سے پردہ اٹھاکر ان کا اصل چہرہ عوام کو ظاہر کر دیں۔
