اسلام آباد (مانیٹرنگ ڈیسک) قطری وزیرخارجہ کے دورہ پاکستان کے بعد قطری شہزادے کا نیا خط منظر عام پر آ گیا۔ قطری وزیرخارجہ 2 روز قبل پاکستان آئے تھے۔ کیا قطری وزیرخارجہ کی پاکستان آمد اور قطری شہزادے کا نیا خط محض اتفاق ہے۔ نجی ٹی وی کے مطابق قطری شہزادے نے خط 17 جولائی کو جے آئی ٹی کو لکھا تھا۔ جس میں کہا گیا کہ جے آئی ٹی دوحہ آ کر ملاقات کرے۔ قطری شہزادے نے جے آئی ٹی کا پتہ جوڈیشل کمپلیکس لکھا۔ سپریم کورٹ کے حکم پر جے آئی ٹی جوڈیشل کمپلیکس پہلے ہی خالی کر چکی تھی۔ قطری شہزادے کے اس خط کی قانونی حیثیت پر سوال اٹھ گئے ہیں۔ انہوں نے پاکستان آ کر جے آئی ٹی کے سامنے پیش ہونے سے انکار کیا تھا۔ جے آئی ٹی قطری شہزادے سے دوحہ میں ملنے کی پابند نہیں۔
