لاہور (مانیٹرنگ ڈیسک) امریکہ کے شہر کیلیفورنیا میں تاریخ کی خوفناک ترین آتشزدگی سے 1500عمارتیں جل گئیں۔ 10افراد جھلس کر ہلاک جبکہ 20000افراد کو محفوظ مقامات پر منتقل کر دیا گیا۔ آگ نے دیکھتے ہی دیکھتے وسیع علاقے کو اپنی لپیٹ میں لے لیا۔ اس قدر آگ کی شدت زیادہ تھی کہ لمحوں میں ہی اس نے ہر چیز کو جلا کر راکھ کر دیا۔ فائربریگیڈ کی سینکڑوں گاڑیاں آگ بجھانے میں مصروف ہیں مگرتاحال قابو نہ پایا گیا۔ امریکی میڈیا نے دعویٰ کیا ہے کہ اس جیسی ہولناک آتشزدگی امریکی تاریخ میں کبھی نہیں ہوئی۔ آتشزدگی سے امریکی معیشت کو اربوں ڈالر کا نقصان ہوا۔ آگ پر قابو پانے کیلئے ہیلی کاپٹروں سے بھی مدد لی جا رہی ہے۔
آگ
