ماسکو (خصوصی رپورٹ) روس میں کابینہ کے اجلاس کے دوران وزیر زراعت الیگزینڈر کاچوف کی لغزش نے صدر ولادیمر پیوٹن کو کھل کھلا کر ہنسنے پر مجبور کر دیا۔ مقامی میڈیا کے مطابق اجلاس میں مذکورہ وزیر گوشت کی برآمد سے متعلق منصوبے کے حوالے سے بریفنگ دے رہے تھے۔ اس دوران انہوں نے جرمنی کی جانب سے بعض ملکوں کو ”سور کا گوشت“ برآمد کرنے کے طریقہ کار پر روشنی ڈالی جن میں سہرفہرست جاپان، چین اور ”انڈونیشیا“ کا نام لیا۔اس موقع پر ”انڈونیشیا“ کا ذکر آنے پر پیوٹن کے کان کھڑے ہو گئے۔ انہوں نے مسکراتے ہوئے اور حیرانگی کے ساتھ اپنے وزیر کو واضح کیا کہ یہ ایک مسلم ملک ہے لہٰذا وہاں سور کے گوشت پر پابندی ہے۔
