ڈھاکہ (اے پی پی) بنگلہ دیش پریمیئر لیگ میں شکیب الحسن کی عمدہ آل راﺅنڈ کارکردگی کی بدولت ڈھاکہ ڈائنامائٹس نے رنگپور رائیڈرز کو 43 رنز سے شکست دے کر ساتویں کامیابی حاصل کی، اس فتح کے ساتھ ہی ڈھاکہ ڈائنامائٹس کی ٹیم پوائنٹس ٹیبل پر دوسرے نمبر پر رہی، شکیب نے 47 رنز کی ناقابل شکست اننگز کھیل کر اور 2 وکٹیں لیکر ٹیم کی جیت میں اہم کردار ادا کیا اور میچ کے بہترین کھلاڑی قرار پائے۔ بدھ کو کھیلے گئے میچ میں ڈھاکہ ڈائنامائٹس نے پہلے کھیلتے ہوئے مقررہ اوورز میں 7 وکٹوں کے نقصان پر 137 رنز بنائے، کپتان شکیب الحسن نے عمدہ بلے بازی کا مظاہرہ کیا اور 47 رنز بنا کر ناٹ آﺅٹ رہے، مہدی معروف 33 ایون لیوس 14 رنز بنا کر آﺅٹ ہوئے، روبیل حسین اور عبادت حسین نے دو، دو کھلاڑیوں کو آﺅٹ کیا، جواب میں رنگپور رائیڈرز کی ٹیم مطلوبہ ہدف حاصل کرنے میں ناکام رہی اور مقررہ اوورز میں 7 وکٹوں پر 94 رنز بنا سکی، روی بوپارا نے 28 رنز بنائے اور ناٹ آﺅٹ رہے، جانسن چارلس 26 رنز کے ساتھ دوسرے نمایاں بلے باز رہے۔، برینڈن میک کولم ایک رن بنا سکے، شکیب الحسن اور ابو حیدر نے دو، دو محمد عامر، سنیل نارائن اور مصدق حسین نے ایک، ایک وکٹ لی۔
