اسلام آباد (آئی این پی )مسلم لیگ (ن) کے رہنما اور رکن قومی اسمبلی کیپٹن (ر) صفدر نے کہا ہے کہ شادیاں کرنا عمران خان کا ذاتی فعل ہے تاہم جن مقاصد کےلئے وہ شادیاں کرتے ہیں انہیں ایسا نہیں کرنا چاہیے ،کیپٹن (ر) صفدر نے اپنی اہلیہ مریم نواز کو دنیا میں جنت کی حور قراردےتے ہوئے کہا کہ وہ دوسری شادی نہیں کریں گے تاہم وزیراعلیٰ پنجاب شہباز کے بارے میں انہوں نے کہا کہ میں اپنے انکل(شہباز شریف) کو مشورہ دوں گا کہ وہ چار شادیاں کریں۔ جمعرات کو احتساب عدالت میں پیشی کے موقع پر صحافیوں نے کیپٹن (ر) صفدر سے جب عمران خان کی شادی سے متعلق سوال کیا تو انہوں نے کہا کہ شہباز شریف اگر شادی کرتے ہیں تو وہ کسی سیاسی مقصد یا خواب کے بھروسے پر شادی نہیں کرتے ، اللہ نے ان کی قسمت میں شادیاں لکھی ہوئی ہیں اور وہ کر لیتے ہیں ان کو بھی چارشادیوں کی اجازت ہے میں انکل شہباز شریف کو پھر بھی کہوں گا کہ چار شادیاں پوری کریں۔اپنی دوسری شادی سے متعلق سوال کے جواب میں کیپٹن (ر) صفدر نے کہا کہ میں اپنی شادی سے مطمئن ہوں ،میرے ماں باپ کی دعا?ں کے ثمرات کے نتیجے میں اللہ نے مجھے یہ بیوی(مریم نواز) عطا کی اور یہ بیوی میرے لئے جنت کی حور ہے۔
