لاہور (نیٹ نیوز) وزیراعظم عمران خان کی سابق اہلیہ ریحام خان نے گزشتہ روز سماجی رابطوںکی ویب سائٹ ٹوئٹر پر ٹویٹ کیا کہ وزیراعظم ہاﺅس سے ہدایات دی جارہی ہیں کہ معروف اینکرز جو حکومتی پالیسیوں کو تنقید کا نشانہ بناتے ہیں ان کو نکال دیا جائے۔ ریحام خان کی ٹویٹ کے بعد صارفین نے ان کو آڑے ہاتھوں لے لیا۔ ان کے ٹویٹ کے جواب میں فواد نامی صارف نے لکھا کہ اس کو مرض لاجواب ہے۔ سمیرا خان نے لکھا کہ اس بیچاری کو شریفوںنے ٹیشوپیپر کی طرح استعمال کرکے پھینک دیا ہے۔ انیلا قاضی نے لکھا کہ ریحام خان کو چین نہیں آرہا اس لیے وہ بوکھلا گئی ہیں۔ ایک صارف نے ریحام خان کو مشورہ دیتے ہوئے لکھا کہ کوئی اچھا بندہ ڈھونڈ کر شادی کر لو تاکہ عمران خان آپ کے ذہن سے نکل جائے۔ ایک صارف نے تو یہاں تک لکھ دیا کہ کوئی علامہ خادم رضوی سے ریحام خان کی شادی کروادے۔
