تازہ تر ین

سمیع خان اور شامین کی نئے سال کی پہلی فلم ”گم“ آج ریلیز ہو گی

لاہور(شوبزڈیسک)نئے سال کی پہلی پاکستانی فلم آج سنیماﺅں کی زینت بنے گی۔ڈسٹری بیوشن کلب کی پیش کردہ فلم میں اداکار سمیع خان اور شمعون عباسی نے مرکزی کردار ادا کئے ہیں ۔سال رواں پاکستانی فلمی صنعت کی پہلی پیشکش ایکشن تھرلر فلم گم آج لاہور ، کراچی اور اسلام آباد سمیت سرکٹ کے تمام سنیماں میں نمائش کیلئے پیش کی جائے گی ۔یہ امر قابل ذکر ہے کہ گم اس سے قبل برطانیہ ، کینیڈا، امریکہ ، سپین اور بھارت سمیت کئی ممالک کے فلم فیسٹیولز میں سکریننگ کیلئے پیش کی گئی جہاں اس نے بیسٹ سکرین پلے، ایکٹر ، ڈائریکٹر اور ایڈیٹنگ کے شعبوں میں سات ایوارڈز بھی حاصل کئے ہیں ۔ ڈائریکٹر عمار لاثانی اور کنزہ ضیا کی ڈائریکشن میں بنی اس فلم میں ٹی وی کی معروف فنکارہ شامین خان نے فلم میں ہیروئن کا کردار نبھایا ہے ۔ ڈسٹر ی بیوشن کلب کے زیر اہتمام فلم کو رواں ہفتے سنسر شوکیلئے پیش کیا گیا۔
جسے اراکین نے بغیر اعتراض کے عام نمائش کا سرٹیفیکیٹ جاری کردیا ۔ فلم کی کہانی ایک والد اور خطرناک مجرم کے ٹکرا ﺅکے گرد گھومتی ہے۔

جو مختلف حادثات کی بدولت ایک دوسرے کے آمنے سامنے آجاتے ہیں اور پھر یہی سے کہانی میں سسپنس اور ڈرامے کے راز افشاں ہونا شروع ہوجاتے ہیں ۔


اہم خبریں
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved