تازہ تر ین

بڑی ٹیمیں جلد پاکستان کھیلنے کےلئے آئیں گی:طاہرشاہ ، کراچی میں پی ایس ایل کے5میچزکاہوناخوش آئندبات:احسن ناگی کی گگلی میں گفتگو

لاہور(مانیٹرنگ ڈیسک) سابق فرسٹ کلاس کرکٹر طاہر شاہ نے کہا ہے کہ پاکستان میں کافی ٹیمیں آنا شروع ہو گئی ہیں تھوڑی سی کوشش کی جائے تو آسٹریلیا کی ٹیم بھی پاکستان آ جاتی بس ذرا بہتر طریقے سے معاملے کو ہینڈل کیا جانا چاہئے تھا۔ جلدبڑی ٹیمیں پاکستان کارخ کریں گی۔چینل فائیو کے پروگرام گگلی میں گفتگو کرتے ہوئے انہوں نے کہا کہ پاکستانی ٹیم کو پورے اوورز کھیلنے چاہئیں پہلے آﺅٹ نہیں ہونا چاہئے۔میں سمجھتا ہوں صرف ایک سنچری بنانے سے کوئی بھی بڑا پلیئر نہیں بن جاتا۔سپورٹس صحافی احسن ناگی نے کہا کہ پاکستان میں پی ایس ایل میچز کا کامیاب ہونا بہت ضروری ہے تاکہ دنیا کو قائل کیا جا سکے۔کراچی میںپی ایس ایل ہونا خوش آئند بات ہے۔اگر کوئی ٹیم پاکستان نہیں آتی تو اس کو پی سی بی کی ناکامی نہیں کہا جا سکتا۔انٹرنیشنل کرکٹ کو واپس لانے کا مرحلہ آہستہ آہستہ طے ہو گا۔پی ایس ایل میں پاکستان زیادہ لڑکوں کو موقع دے کر نیا ٹیلنٹ سامنے لا سکتا ہے۔


اہم خبریں
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved