لاہور(اے پی پی )پاکستان ہاکی فیڈریشن کے زیر اہتمام گوجرہ ہاکی اسٹیڈیم میں جاری پاکستان ہاکی ڈویلپمنٹ لیگ 2019 کا فائنل دلچسپ و سنسنی خیز مقابلے کے بعد 1-1 رہا پینلٹی شوٹ آو¿ٹ کے ذریعے پی ایم اے ڈریگن نے میچ جیت لیا۔تفصیلات کے مطابق پاکستان ہاکی فیڈریشن کے زیر اہتمام گوجرہ انٹر نیشنل ہاکی اسٹیڈیم میں ہونے والے پاکستان ہاکی ڈویلپمنٹ لیگ 2019 کا فائنل میچ دلچسپ و سنسنی خیز مقابلے کے بعد شوٹ آو¿ٹ کے زریعے پی ایم اے ڈریگن نے بشیر رائیڈرز کو 4 کے مقابلے سے 5 گول سے شکست دیکر فائنل اپنے نام کرلیا۔ پی ایم اے ڈریگن کی جانب سے 17ویں منٹ میں ابرار بشیر نے گول اسکور کیا جس کو 35ویں منٹ میں بشیر رائیڈرز کے رضوان علی نے گول اسکور کرکے برابر کردیا۔ میچ کے اختتام تک دونوں ٹیمیں مزید گول کرنے میں ناکام رہیں۔
بعد ازاں پینلٹی شوٹ کے زریعے پی ایم اے ڈریگن نے بشیر رائیڈرز کو 4-5 سے شکست دیکر فائنل اپنی نام کرلیا۔
اس موقع پر شائقین کی بڑی تعداد موجود تھی۔ اس موقع پر مہمان خصوصی گوجرہ کے ایم پی اے بلال اصغر وڑائچ, پاکستان ہاکی فیڈریشن کے سیکرٹری جنرل شہباز احمد سینئر تھے۔میچ کے اختتام پر مہمان خصوصی نے لیگ میں شریک ٹیموں میں انعامات جبکہ آفیشلز کو شیلڈز پیش کیں۔
