ریاض(خصوصی رپورٹ)چہرہ نہ ڈھانپنے پر بہن کے ساتھ غیر معمولی تشدد کے واقعہ نے سعودی معاشرے میں گرما گرم بحث چھیڑ دی۔ میڈیارپورٹس کے مطابق سعودی خاتون نے واٹس ایپ پر پیغام میں واضح کیا کہ ایک بھائی نے اپنی بہن کے چہرے کی ہڈی صرف اس بات پر توڑ ڈالی کہ اس نے اپنا چہرہ نہیں ڈھانپا تھا ۔ اس حادثہ کے بعد بہن کو علاج کیلئے ہسپتال میں داخل کردیا گیا۔ لڑکی نے سوشل میڈیا پر یہ اطلاع دی کہ اس نے اپنے بھائی کیخلاف پولیس سٹیشن میں درج کرائی۔
نئی دہلی(ویب ڈیسک) بھارت کے عوام بھی اپنی حکومت کے آئے دن پاکستان کےخلاف بیانات سے تنگ آچکے ہیں ایسی ہی ایک نوجوان لڑکی کی ویڈیو سوشل میڈیا پر وائرل ہورہی ہے ۔ویڈیو میں ایک نامعلوم نوجوان لڑکی تقریر کرتے ہوئے بھارتی سرکار کو شدید تنقید کا نشانہ بنار ہی ہے۔تقریر میں بھارتی حکومت کو موردِ الزام ٹھہرارہی ہیں کہ حکومت کے خلاف آواز اٹھانے پر کہاجاتا ہے کہ پاکستان چلے جاﺅ۔لڑکی نے ویڈیو میں یہ بھی کہا کہ بہار میں بے جی پی کی شکست ہوتی ہے تو کہا جاتا ہے کہ سارے پٹاخے پاکستان پر چلادو۔لڑکی نے پاکستان کے بارے میں مثبت تاثرات دیتے ہوئے یہ بھی کہا کہ پاکستان جانے میں ہمیں کوئی مسئلہ نہیں ہمارے جیسا ہی دیش ہے۔ویڈیو میں کہی گئی سب سے اہم بات یہ تھی کہ بھارت میں بہت سے لوگ اب یہ کہنے لگے ہیں کہ پاکستان جانے کی کیا ضرورت ہے جب بھارت میں ہی پاکستان بن رہا ہے۔واضح رہے کہ بھارت کی جانب سے بلا سبب اشتعال انگیز ی اور ایل او سی پر آئے دن کی گولہ باری کے سبب دونوں ممالک کے درمیان کشیدگی اپنے عروج پر ہے ۔
نئی دہلی (خصوصی رپورٹ) جین مذہب میں سال کے کچھ مہینے مقدس خیال کیے جاتے ہیں اور ان مہینوں میں طویل ترین ”روزے“ رکھنے کی روایت پائی جاتی ہے۔ اس ”مقدس“ عرصے کو ”چومسا“ کا نام دیا جاتا ہے۔ بھارتی شہر حیدر آباد میں جین مذہب کی ایک 13 سالہ لڑکی نے 68 دن کا روزہ رکھا اور روزہ پورا کرنے کے دو دن بعد موت منہ میں چلی گئی۔ این ڈی ٹی وی کی رپورٹ کے مطابق اس لڑکی کا نام ارادھنا تھا اور وہ آٹھویں جماعت کی طالبہ تھی۔ روزے کے 68 ویں دن اس کی حالت غیر ہوگئی جس پر اسے ہسپتال منقتل کیا گیا جہاں دل کا دورہ پڑنے سے اس کی موت واقع ہوگئی۔ جین مذہب کے لوگوں نے اسے ”بال تپسوی“ قرار دیا ہے اور اس کی آخری رسومات میں بڑی تعداد میں لوگوں نے شرکت کی ہے۔ رپورٹ کے مطابق ارادھنا کا والد جیولر ہے اور حیدر آباد کے پوٹ بازار میں اس کی دکان ہے۔ جہاں جین مذہب کے ماننے والے اکثر لوگ ارادھنا کیلئے عقیدت کا اظہار کررہے ہیں وہیں کئی افراد کی طرف سے اس کے والدین پر تنقید کی جارہی ہے کہ انہوں نے ارادھنا کو سکول چھوڑ کر روزے پر بیٹھنے کی اجازت کیوں دی تھی۔
