ریاض(خصوصی رپورٹ)چہرہ نہ ڈھانپنے پر بہن کے ساتھ غیر معمولی تشدد کے واقعہ نے سعودی معاشرے میں گرما گرم بحث چھیڑ دی۔ میڈیارپورٹس کے مطابق سعودی خاتون نے واٹس ایپ پر پیغام میں واضح کیا کہ ایک بھائی نے اپنی بہن کے چہرے کی ہڈی صرف اس بات پر توڑ ڈالی کہ اس نے اپنا چہرہ نہیں ڈھانپا تھا ۔ اس حادثہ کے بعد بہن کو علاج کیلئے ہسپتال میں داخل کردیا گیا۔ لڑکی نے سوشل میڈیا پر یہ اطلاع دی کہ اس نے اپنے بھائی کیخلاف پولیس سٹیشن میں درج کرائی۔
لاہور (خصوصی رپورٹ )خواتین بالخصو ص پڑھی لکھی ملازمت پیشہ خواتین کی جانب سے خلع لینے کا رحجان تیزی سے بڑھ رہا ہے۔ رواں سال لاہورکی فیملی عدالتوں میں 6578خلع کے دعوے دائر ہوئے جبکہ فیملی عدالتوں نے 2145 خواتین کو خلع کی ڈگریاں جاری کر دیں۔ قانونی ماہرین کا کہنا ہے کہ طلاق کی شرح میں اضافہ کی بڑی وجہ خاندانی نظام میںفریقین کے درمیان عدم برداشت ہے۔ ماہرین قانون کا یہ بھی کہنا ہے اگر میاں بیوی اپنی ذاتی اناءکو چھوڑ دیں تو طلاق سے بچا جا سکتا ہے۔قانونی ماہرین نے خلع میں اضافے کے رحجان کو معاشرے کے لیئے خطرناک قرار دیتے ہوئے مستقبل میں خاندانی نظام کو بری طرح متاثر کرنے کا پیش خیمہ قرار دیا ہے ۔ ماہر ین نفسیات کا کہنا ہے کہ پڑھے لکھے طبقے میں خود سری اور ضدی پن کا عنصر بڑھتا جا رہا ہے جو معاشرے کے لیئے نقصان دہ ہے ۔ایک اندازے کے مطابق روزانہ پندرہ سے بیس خواتین حصول طلاق کے لیے فیملی عدالتوں میں درخواستیں دائر کرتی ہیں جن میں پڑھی لکھی خواتین کی شرح زیادہ ہے۔
ؓبےجنگ(ویب ڈیسک)چینی شہری نے ‘مشینی بیگم’ ایجاد کر کے دنیا کو ورطہ حےرت مےں ڈال کر دنیا بھر میں خواتین کی قلت پر قابو پانے کا نیا راستہ ڈھونڈ لےا ہے برطانوی مےڈےا کے مطابق چین کے ایک 31 سالہ انجینیر زنگ گیاگی نے جدید ٹیکنالوجی کی مدد سے ایک ایسا روبوٹ تیار کیا ہے جو خواتین کی صفات سے متصف ہے۔ اس خود کار عورت میں وہ تمام خوبیاں موجود ہوں جو ایک زندہ انسان خاتون میں ہو سکتی ہیں۔ اس مشینی بیوی کو اپنانے کے بعد اس کے ساتھ ہنی مون بھی منایا جا سکتا ہے۔ رپورٹ کے مطابق اکتیس سالہ زینگ گیاگی نے حال ہی میں عورت کی شکل کا ایک ربوٹ تیار کیا جسے ’ینگ ینگ‘ کا نام دیا گیا۔ گذشتہ جمعہ کو اس نے ہانگزو شہر میں اس روبوٹ بیوی سے شادی بھی کی مصنوعی بیوی کا وزن ساڑھے چار کلو گرام ہے جسے اٹھا کر کسی بھی مقام پر ساتھ لے جایا جا سکتا ہے
