نئی دلی (ویب ڈسک) سماجی رابطے کی ویب سائٹ ٹویٹر پر اپنے پیغام میں بھارتی وزیرخارجہ سشما سوراج کا کہنا تھا کہ دیوالی کے پرمسرت موقع پر بھارت تمام زیرالتوا کیسزمیں طبی ویزے جاری کرے گا۔ جب کہ بھارتی وزیرخارجہ نے اپنی ٹویٹ میں پاکستان میں تعینات بھارتی ہائی کمیشن کو ٹیگ کرتے ہوئے ہدایات جاری کی ہیں کہ علاج کے منتظر پاکستانی مریضوں کو ویزے جاری کئے جائیں۔ مجھے گردے کی پیشکش کرنے والوں میں زیادہ مسلمان ہیں، سشما سوراج واضح رہے کہ متعدد پاکستانیوں نے بھارتی وزیرخارجہ سشما سوراج کو ٹویٹر پر درخواست کی تھی کہ انہیں بھارت میں علاج کے لئے ویزے جاری کئے جائیں جس پر سشماسوراج نے بھی جواب میں ویزے جاری کرنے کی حامی بھری اور ان سے کہا کہ آپ تمام لوگ اسلام آباد میں بھارتی ہائی کمیشن سے رابطہ کرسکتے ہیں ہم نے انہیں ویزے جاری کرنے کی اجازت دےدی ہے۔

نئی دہلی(ویب ڈیدک ) سرجیکل سٹرائیک کے دعوےداربھارت میں فوجیوں کی تذلیل کی اور داستان منظرعام پر آگئی ، افسروں کی بیگمات ہم سے جوتے چمکواتی اورکتے نہلوا تی ہیں، فوجی جوانوں کی طرف سے سوشل میڈ یاپرجاری ویڈیو نے سورماو¿ں کا شرمناک چہرہ دنیا کے سامنے عیاں کردیا، بدنامی پربھارتی آرمی چیف بپن راوت سیخ پا،فوجی جوانوں کی طر ف سے سوشل میڈیا پر اپنے مسائل کاذکرکرنے پرپابندی لگادی۔میڈیارپورٹ کے مطابق سرجیکل سٹرائیک کے دعویدار بھارت کو اپنے ہی فوجیوں کی جانب سے شدید تنقید کانشانہ بنایا جارہا ہے،بھارتی فوجیوں نے سوشل میڈیا کا سہارا لیتے ہوئے ایک بار پھر ایک ایسی ویڈیو جاری کی ہے جس میں ایک فوجی نے بھارتی حکومت اور فوج کے اعلیٰ حکام کو شرم دلواتے ہوئے کہا ہے کہ افسروں کی بیگمات جوانوں سے اپنے جوتے چمکواتی ہیں اور پھر ہم سے اپنے کتوں کی خدمت گاری اور ہم سے کتے نہلواتی ہیں۔ یاد رہے کہ ایک ہفتے کے دوران یہ تیسرا بھارتی فوجی ہے جس نے سورماو¿ں کی فوج کا شرمناک چہرہ ساری دنیا کے سامنے عیاں کیا ہے۔ اس سے قبل ایک بی ایس ایف کے جوان نے ویڈیو میں کہا تھا کہ ان کو کھانے کیلئے پتلی دال جس میں صرف پانی اور ہلدی ہوتی ہے دی جاتی ہے اور اعلی حکام کھانے کو بیچ دیتے ہیں۔ دوسر ی جانب بھارتی آرمی چیف نے جوانوں کی طرف سے سوشل میڈیاپراس طرح کے مسائل اٹھانے کانوٹس لے لیااورمزیدبدنامی سے بچنے کےلئے جوانوں کی طرف سے سوشل میڈیاکے ذریعے مسائل اجاگرکرنے پرپابند ی لگادی ۔ انہوں نے فوجیوں کو اپنے مسائل کوسوشل میڈیا پر لانے کی بجائے مناسب فورم پر اٹھاناچاہیے اگر ان کے مسائل کو مناسب فورم پر حل نہ کیا جائے تو وہ ان سے براہ راست رابطہ کرسکتے ہیں۔ انہوں نے شکوہ کیا کہ ہمارے چند دوستوں نے سوشل میڈیا پر اپنی شکایات کا ذکر کیا جس سے سرحدوں پر تعینات جوان متاثر ہوئے انہیں ایسا نہیں کرنا چاہیے۔

نئی دہلی(ویب ڈیسک) بھارتی آرمی چیف جنرل بپن راوت نے کہا ہے کہ کنٹرول لائن کے قریب مقیم لوگوں کو تحفظ فراہم کرنا ہماری ترجیح ہے اور فوج جنگ بندی کی کسی بھی خلاف ورزی کا بھرپور جواب دینے سے نہیں ہچکچائے گی۔ بھارتی میڈیا کی رپورٹ کے مطابق اتوار کو ایک تقریب سے خطاب کرتے ہوئے جنرل بپن راوت نے ملک کیلئے جانیں دینے والے فوجیوں کی قربانیوں کو سراہا۔ انہوں نے کہاکہ کنٹرول لائن کے قریب رہنے والے لوگوں کو تحفظ فراہم کرنا ہماری ترجیح ہے اور بھارتی فوج جنگ بندی کی خلاف ورزیوں کا بھرپور جواب دینے سے نہیں ہچکچائے گی۔ انہوں نے کہاکہ ہم نے چین کے ساتھ شمالی سرحدوں پر اعتماد سازی کے بعد اقدامات کیے ہیں تاکہ کشیدگی کو ختم کیاجاسکے ۔ اس موقع پر انہوں نے فوجیوں کو اپنے مسائل کوسوشل میڈیا پر لانے کی بجائے مناسب فورم پر اٹھانے کی ہدایت کرتے ہوئے کہاکہ اگر ان کے مسائل کو مناسب فورم پر حل نہ کیا جائے تو وہ ان سے براہ راست رابطہ کرسکتے ہیں۔ انہوں نے شکوہ کیا کہ ہمارے چند دوستوں نے سوشل میڈیا پر اپنی شکایات کا ذکر کیا جس سے سرحدوں پر تعینات جوان متاثر ہوئے انہیں ایسا نہیں کرنا چاہیے۔ واضح رہے کہ حال ہی میں کنٹرول لائن پر تعینات ایک بھارتی فوجی نے سوشل میڈیا پر ایک ویڈیو اپ لوڈ کی تھی جس میں اس نے غیر معیاری کھانا دئیے جانے کی شکایت کی تھی ۔ اس ویڈیو سے دنیا بھر میں بھارتی فوج کی بدنامی ہوئی۔

نئی دہلی/پٹنہ(ویب ڈیسک)بھارت کی شمال مشرقی ریاست بہار میں دریائے گنگا میں کشتی الٹنے کے واقعے میں26افراد ہلاک ہوگئے،ریاستی وزیر اعلی نے ضلعی انتظامیہ کو واقعے کی تحقیقات کا حکم دیتے ہوئے ہلاک ہونے والے افراد کے لواحقین کے لیے فی کس 4 لاکھ روپے دینے کا اعلان کیا ہے ۔بھارتی میڈیاکے مطابق شمال مشرقی ریاست بہار میں دریائے گنگا میں کشتی الٹنے کے واقعے میں26افراد ہلاک ہوگئے۔پولیس کا کہنا ہے کہ کشتی میں تقریبا 40 افراد سوار تھے، جو پتنگ فیسٹیول سے واپس لوٹ رہے تھے۔سینئر پولیس سپرنٹنڈنٹ مانو مہاراج نے26 افراد کی ہلاکت کی تصدیق کرتے ہوئے کہا کہ کچھ افراد اب بھی لاپتہ ہے، جن کی تلاش کے لیے ریسکیو آپریشن جاری ہے۔ٹی وی فوٹیج میں ایمرجنسی ورکرز کو دریا میں دیگر افراد کی تلاش کرتے اور پریشانی کے عالم میں اپنے پیاروں سے متعلق خبر کا انتظار کرتے ان کے اہلخانہ کو دکھایا گیا۔کشتی میں سوار افراد ریاست بہار کے دارالحکومت پٹنہ کے قریب مکر سکرنتی کے مذہبی تہوار میں شرکت کے لیے جارہے تھے۔ہندو مذہب کے اس تہوار کے تحت ہزاروں عقیدت مند دریا میں ڈبکی لگاتے ہیں جسے ہندومت میں مقدس مانا جاتا ہے، جبکہ اس کے تحت پتنگ اڑانے اور دیگر مذہبی رسومات بھی اد اکی جاتی ہیں۔مقامی میڈیا کا کہنا تھا کہ ریاستی حکومت کے تحت منعقد ہونے والے اس سالانہ تہوار میں شرکت کے لیے جانے والے افراد کی تعداد کشتی کی گنجائش سے زیادہ تھی، جس کے باعث حادثہ پیش آیا۔کشتی الٹنے کے بعد چند مسافروں نے تیر کر اپنی جان بچائی، تاہم کشتی میں سوار مسافروں کی حتمی تعداد معلوم نہیں ہوسکی۔ریاست کے وزیر اعلی نتیش کمار نے حادثے کی تحقیقات کا حکم دیتے ہوئے ہلاک ہونے والے افراد کے لواحقین کے لیے فی کس بھارتی 4 لاکھ روپے دینے کا اعلان کیا۔واضح رہے کہ بھارت میں کشتی الٹنے کے واقعات عام ہیں، جن کی بڑی وجوہات میں کشتی میں گنجائش سے زیادہ افراد کا سوار ہونا اور کشتیوں کی خراب مینٹیننس شامل ہیں۔ستمبر 2015 میں بھی بھارت کی شمال مشرقی ریاست آسام کے بپھرے ہوئے دریا میں کشتی الٹنے سے 20 افراد ہلاک ہوگئے تھے۔قبل ازیں 2012 میں آسام ہی کے براہماپترا دریا میں طوفان کے دوران کشتی ڈوبنے سے 100 سے زائد افراد ہلاک ہوئے تھے۔

نیویارک (ویب ڈیسک)امریکی یونیورسٹی کی رپورٹ میں انکشاف ہوا ہے کہ بھارت میں خواتین کے ساتھ زیادتی کی بڑی وجہ ٹوائلٹ کی عدم دستیابی ہے۔ رپورٹ کے مطابق بھارت میں 30 کروڑ خواتین کو ٹوائلٹ کی سہولت میسر نہیں جس کی فراہمی سے خواتین کو تحفظ فراہم کیا جا سکتا ہے۔واضح رہے کہ بھارت میں زیادتی کے واقعات میں آئے روز اضافہ ہورہا ہے یہاں تک کی غیر ملکی سیاح بھی محفوظ نہیں ہیں۔

اسلام آباد (ویب ڈیسک)راحیل شریف کی ریٹائرمنٹ کے ساتھ ہی بھارتیوں کے پرانے زخم پھر سے ہرے ہوگئے ¾ پاک فوج کے سابق سپہ سالار کے بڑے بھائی میجر شبیر شریف شہید نے3 دسمبر1971ءکو سرجیل سٹرائیک کے دوران دشمن کے مورچے میں گھس کر 47 بھارتی فوجیوں کو واصل جہنم ¾28 کو قیدی بنالیا ¾ مردمجاہد نے 4 بھارتی ٹینکوں کو بھی تباہ کیا۔ ایک رپورٹ کے مطابق عمومی طورپر پاکستان کیخلاف بھارت بے بنیاد پراپیگنڈا کرتارہتاہے جس کی وجہ سے کئی دفعہ سبکی کا بھی سامنا کرچکا ہے لیکن راحیل شریف کی ریٹائرمنٹ کی خبر کیساتھ ہی بھارتیوں کو ایک مرتبہ پھر راحیل شریف کے بھائی میجر شبیر شریف ضرور یادآئیں گے جنہوں نے دشمن کے مورچے میں گھس کر میجرنارائن سنگھ کی سٹین گن چھینی اور ابدی نیند سلادی تھی، میجر شریف شریف شہید کو فاتح صبونہ بھی کہاجاتاہے ۔ میجر نارائن سنگھ کہاکرتاتھاکہ ہے کوئی مائی کا لعل جو میرے سامنے آئے ، شبیر شریف نے 47بھارتی فوجیوں کو واصل جہنم بنا کر 28کو قیدی بنا کر ساتھ لے آئے تھے جبکہ چارٹینک بھی تباہ کردیئے ، اور یہ کاری زخم بھارتی فوج آج تک نہیں بھولی ہوگی۔تفصیلات کے مطابق پاکستان اور بھارت کے درمیان 1971کی جنگ چھڑی تو اس وقت جنرل راحیل شریف کے بھائی شبیر شریف پی ایم اے کاکول میں تھے لیکن جلد ہی اپنی یونٹ 6فرنٹیئرفورس کے ہمراہ ہیڈسلمانکی ورکس پہنچے جہاں 105بریگیڈپہلے ہی دشمن سے پنجہ آزمائی میں مصروف تھااور بھارت کا 86کلومیٹر علاقہ قبضہ میں لے لیاتھا۔ بھارتی فوج سلمانکی ہیڈورکس کو تباہ کرناچاہتی تھی تاکہ دوسری جانب موجود پاکستانی فوج کو محصور کیاجاسکے لیکن انہیں کیا معلوم تھا کہ کس سے واسطہ پڑچکاہے، تین دسمبر1971کی سردرات میجرشبیرشریف بارودی سرنگوں کی پرواہ کیے بغیر اپنے جوانوں سمیت بھارتی علاقے میں گھس گئے اوراس سرجیکل سٹرائیک کے دوران بھارتی فوجیوں کی ہلاکت اور ٹینکوں کو تباہ کرنے کے علاوہ ایک پل پر بھی قبضہ کرلیا۔اگلے تین دن بھارت نے قبضہ چھڑانے کے لیے تابڑتوڑ 14حملے کیے لیکن ناکامی مقدر بنی ۔ دشمن کو ناکوں چنے چبوانے کے بعد بالآخر 6دسمبر کو میجرشبیرشریف دشمن کے ایک گولے کی زدمیں آگئے اور جام شہادت نوش کیا، میجرشبیر شریف کی اسی بہادی پر ان کو نشان حیدر عطاکیاگیا۔ یادرہے کہ گزشتہ دنوں جنرل راحیل شریف نے بھی کہاتھاکہ ہم نے اگر سرجیکل سٹرائیک کی تو بھارت نصاب میں اپنے بچوں کو پڑھائے گاکہ سرجیکل سٹرائیک کیا ہوتی ہے۔

نئی دہلی( ویب ڈیسک ) بھارتی فضائیہ پاکستانی شاہینوں کی نقل کرنے میں ناکام ¾پائلٹ ہائی وے کورن وے ہی نہ بنا سکے۔پاک فضائیہ نے گزشتہ ماہ ملک بھرمیں جنگی مشقیں کی تھیں جن میں موٹرویز پر ہنگامی لینڈنگ بھی شامل تھیں، بھارتی فضائیہ نے بھی پاک بحریہ کی نقل کرتے ہوئے اسی قسم کی مشقوں کا انعقاد کیا۔ اس سلسلے میں 300 کلو میٹر سے زائد طویل آگرہ لکھنو ہائی وے کا انتخاب کیا گیا۔غیر ملکی میڈیا کے مطابق بھارتی فضائیہ نے شاہینوں کی نقل کرنے کی کوشش کی تو کی لیکن اب انہیں کون سمجھائے کہ شاہینوں اورکرگس میں بہت فرق ہوتا ہے۔ سامان حرب تو ہرملک کے پاس ہوتا ہے لیکن عزم ، حوصلہ اور ہمت کسی بازار سے خریدی نہیں جاسکتی۔ نام نہاد سورماﺅں نے طیارے کے پچھلے ٹائر تو سٹرک پر لگا دیے لیکن بھارتی فضائیہ کے کم ہمت پائلٹوں نے ٹائر پھٹنے کے خوف سے لینڈنگ کا خطرہ مول ہی نہیں لیا۔