سورماﺅں کی زیر زمین کاروائیوں کا اچانک انکشاف …. ہر طرف کھلبلی

سرینگر (خصوصی رپورٹ) اڑی حملے کے بعد پاکستن سے جاری کشیدگی کے باعث بھارتی فوج نے لائن آف کنٹرول پر زیرزمین بنکر تعمیر کرنا شروع کردیئے ہیں۔ برطانوی اخبار ٹیلی گراف سے گفتگو کرتے ہوئے بھارتی فوجیوں نے کہا کہ اڑی حملے کے بعد کوئی ایسا دن نہیں گزرا جب ایل او سی پر دونوں طرف سے فائرنگ نہ ہوئی ہو۔ اس لئے بنکر بنانے کا کام پچھلے دو ہفتوں سے کافی تیزی سے جاری ہے۔ اخبار کے نمائندے نے ایل او سی پر اڑی کے نزدیک ملٹری چیک پوسٹ کے دورے کے دوران مشاہدہ کیا کہ بھارت خاموشی سے کسی فیصلہ کن جنگ کی تیاریوں میں مصروف ہے۔ یہ بھارتی فوجی پہلے کینوس کے خیموں میں سوتے تھے لیکن اب یہ چھ فٹ چوڑے اور دس فٹ لمبے سیمنٹ اور پتھروں سے بنے زیرزمین بنکر میں رہتے اور سوتے ہیں۔ یہ بنکر کسی چھوٹے ہتھیار کے فائر سے بآسانی بچا سکتے ہیں۔ ایل او سی کے ساتھ واضح گاﺅں کے رہائشیوں نے بتایا کہ ان کے گھروں کو جانے والے راستوں پر پہلے دو تین بنکر تھے جو اب پچاس تک پہنچ چکے ہیں۔ پندرہ دنوں سے جاری بڑے پیمانے پر تعمیرات سے لگتا ہے کہ بھارت ہزاروں بنکر تعمیر کرنا چاہتا ہے۔ بھارتی افواج کے کئی اندرونی ذرائع نے بھی اس بات کی تصدیق کی ہے۔ دوسری جانب بھارتی حکومت کو بھیجی گئی خفیہ رپورٹ میں دعویٰ کیا گیا ہے کہ پاکستان آزادکشمیر میں کنٹرول لائن کے قریب فوجیوں کی تعداد بڑھا رہا ہے۔ ایک بھارتی اخبار کی رپورٹ کے مطابق بھارتی پائلٹوں نے ایک دفعہ اپنے ایئر کنٹرول کو بتایا کہ ان کی ٹرانسمیشن کو پاکستانی میکرز نے ہیک کرکے اس پر پاکستانی ملی نغمے لگا دیئے۔ پائلٹ نے بتایا کہ وہ اکثر پاکستان کا ملی نغمہ دل دل پاکستان جان جان پاکستان سنتا تھا۔ف