مری (نمائندہ خبریں)مری میں موٹر سائیکلوں سے سائلنسر نکالنے کا رجحان خطرناک حد تک بڑھ گیا، شہری شور اور آلودگی سے پریشان، سکولوں، ہسپتالوں اور سرکاری دفاتر میں سکون غارت کم عمر نوجوان بغیر ہیلمٹ اور ڈرائیونگ لائسنس کے موٹر سائیکلوں پر ریسیں لگانے لگے، آئے روز حادثات میں اضافہ، سٹی ٹریفک پولیس کی مبینہ عدم توجہی پرہریوں کا اظہارِ تشویش ملکہ کوہسار مری میں کم عمر نوجوانوں کی جانب سے موٹر سائیکلوں کے سائلنسر نکالنے اور انتہائی تیز آواز پیدا کرنے والی موٹر سائیکلیں سڑکوں پر دوڑانے کا رجحان خطرناک حد تک بڑھ گیا ہے جس کے باعث شہر بھر میں شور کی آلودگی نے شہریوں، سیاحوں، طلبہ، مریضوں اور سرکاری ملازمین کی زندگی اجیرن بنا دی ہے۔ موٹر سائیکلوں کی کانوں کو چیرتی گھن گرج نے سکولوں، ہسپتالوں، سرکاری دفاتر اور رہائشی علاقوں کا سکون برباد کر دیا ہے عوامی حلقوں کے مطابق متعدد کم عمر نوجوان بغیر ہیلمٹ، بغیر ڈرائیونگ لائسنس اور ٹریفک قوانین کی پروا کیے بغیر موٹر سائیکلیں چلاتے نظر آتے ہیں شہری، تاجر، تعلیمی اور سماجی حلقوں نے سی ٹی او راولپنڈی، ڈی پی او مری اور سٹی ٹریفک پولیس کے اعلی حکام سے مطالبہ کیا ہے کہ مری میں خصوصی ٹریفک آپریشن شروع کیا جائے، بغیر سائلنسر اور غیر معمولی شور پیدا کرنے والی موٹر سائیکلوں کے خلاف قانونی کارروائی کی جائے کم عمر ڈرائیوروں، بغیر ہیلمٹ اور بغیر لائسنس موٹر سائیکل چلانے والوں کے خلاف سخت اقدامات کیے جائیں اور خطرناک ریسیں لگانے والوں کی روک تھام کے لیے مثر گشت اور چیکنگ یقینی بنائی جائے تاکہ مری کے شہریوں، طلبہ، مریضوں اور سیاحوں کو اس اذیت ناک صورتحال سے نجات دلائی جا سکے۔
