جلد فاطمہ جناح روڈ کی از سر تعمیر کا کام شروع ہو ۔ عمر مجید سی ای او

ٹیکسلا( تحصیل رپورٹر )ٹیکسلا ختم نبوت چوک سے متصل فاطمہ جناح ٹھٹھ خلیل روڈ جو گزشتہ سال تجاوزات آپریشن میں اس روڈ کو وسیع کرنے کے لیے آپریشن کئی گئے تھے لیکن اس کے بعد اس روڈ پر کام شروع نہ ہوسکا جس کی وجہ سے اس روڈ پر سے پیدل چلنا تک محال ہوگیا تھا اور لوگ جن میں بچے بوڑھے اور خواتین شامل تھیں انکا یہاں سے گزر انتہائی دشوار بن گیا تھا کیونکہ اس روڈ کے اطراف جو نالے تھے وہ بھی بند ہوگئے تھے کچھ عرصہ قبل گورنمنٹ پنجاب کی جانب سے اس روڈ کی از سر نو تعمیر کا ٹھیکہ عمر مجید انیڈ کمپنی کو دیا گیا کمپنی کے سی ای او عمر مجید نے آج ایم او آئی بلدیہ ٹیکسلا حسنات احمد خان اور دیگر عملہ کے ہمراہ مذکورہ روڈ کا دورہ کیا اس موقع پر میڈیا سے گفتگو کرتے ہوئے عمر مجید کا کہنا تھا کہ انشاء اللہ آئندہ چند دنوں میں اس روڈ پر باقاعدہ کام کا آغاز کردیا جائے گا اور انشاء اللہ ہم مقررہ مدت سے کم عرصہ میں اس کام کو مکمل کریں انشاء اللہ یہ کام معیاری اور دیرپا ہوگا جبکہ ایم او آئی حسنات احمد خان کا کہنا تھا کہ ڈپٹی کمشنر راولپنڈی اور اسسٹنٹ کمشنر ٹیکسلا کی خصوصی ہدایات پر اس کام کی نگرانی بلدیہ ٹیکسلا اور نیسپاک کمپنی کرے گی اور امید ہے کہ اس روڈ کی جلد از جلد تعمیر ہو تاکہ لوگوں کے مسائل حل ہوسکیں فاطمہ جناح روڈ کی عوام نے وفاقی وزیر مملکت بیرسٹر عقیل ملک چیرمین فنانس کمیٹی ایم پی اے محسن ایوب خان ڈپٹی کمشنر راولپنڈی اسسٹنٹ کمشنر ٹیکسلا اور میڈیا کا شکریہ ادا کیا۔