ریاض(این این آئی)سعودی عرب نے معاشی تنوع کے وژن کے تحت معدنیات، کان کنی کے شعبے کو ترقی دینے کے لیے بین الاقوامی کمپنیوں کے ساتھ اربوں ڈالر مالیت کے نئے سرمایہ کاری معاہدوں پر باضابطہ دستخط کر دیے ہیں۔ غیر ملکی خبر رساں ادارے کے مطابق ریاض میں منعقدہ عالمی معدنیاتی فورم کے دوران سعودی وزارتِ صنعت و معدنی وسائل کے حکام نے بتایا کہ مملکت میں سونے، تانبے، فاسفیٹ، نایاب زمینی معدنیات کے وسیع ذخائر موجود ہیں جنہیں جدید ٹیکنالوجی سے نکالا جائے گا۔ معاشی ماہرین کا کہنا تھا کہ اس اقدام سے نہ صرف سعودی عرب کی غیر تیل برآمدات میں کئی گنا اضافہ ہوگا بلکہ عالمی منڈی میں صاف توانائی کے آلات بنانے والی صنعتوں کو خام مال کی فراہمی بھی یقینی بن سکے گی۔ منصوبوں کے تحت ہزاروں مقامی نوجوانوں کو جدید تکنیکی تربیت، روزگار کے مواقع فراہم کیے جائیں گے۔
