کپڑے سینے والا درزی روبوٹ

واشنگٹن(خصوصی رپورٹ)انسان ایک عرصے سے اپنے کپڑے خود سی رہا ہے لیکن اب درزی بوٹ سیوبو تیار کرلیا گیا ہے جو ازخود انسانی کپڑے سی کر تیار کرسکتا ہے۔اس ویڈیو میں روبوٹ ایک ٹی شرٹ سی رہا ہے لیکن اس کے لئے لباس کے ٹکڑوں کو پہلے ایک غیر مضر پالیمر میں ڈبو کر سخت بنایا جاتا ہے جیسے کلف لگا ہوتا ہے۔ پھر روبوٹ بازو ایک کے بعد کپڑے کے پارچے سیتا ہے اور آخر میں تیارشدہ شرٹ کو گرم پانی میں ڈال کر کپڑے کو نرم کردیا جاتا ہے۔گارمنٹ صنعت میں پولی وینائل الکحل کو پوشاک سخت کرنے کے لیے استعمال کیا جاتا ہے۔ سیوبو کو ناپ کے لحاظ سے کٹے کپڑے کے ٹکڑے مل جاتے ہیں جنہیں دھات کی طرح سخت کیا جاتا ہے اور انہیں مشین کے حوالے کرکے سلائی کے بعد جوڑا جاتا ہے۔تاہم اس سے قبل بھی کپڑے سینے والے روبوٹ بنائے گئے ہیں۔ ایک مشین الیکٹرولوم بھی کپڑے سینے والے روبوٹ کی طرح کام کرتی ہے۔