تازہ تر ین

الماری میں سما جانے والا جدید ترین کھیت

واشنگٹن(خصوصی رپورٹ) امریکی کمپنی نے ایسی الماریاں تیار کرلی ہیں جن میں روزمرہ استعمال کی سبزیاں اور سلاد وغیرہ بہ آسانی اگائے جاسکتے ہیں اور اسی مناسبت سے انہیں وال فارمز (دیوار گیر کھیت) کا نام بھی دیا ہے۔یہ کوئی نیا تصور نہیں بلکہ امریکی خلائی تحقیقی ادارے ناسا میں ایسے منصوبوں پر کام ہوتا رہا ہے جن کے تحت خلا کے بے وزن ماحول میں کم سے کم جگہ استعمال کرتے ہوئے پھل اور سبزیاں (معمول سے کم وقت میں) اگانے کے تجربات کیے گئے ہیں۔ کمپنی نے ان ہی تجربات کو مدنظر رکھتے ہوئے ایسی ٹیکنالوجی وضع کرلی ہے جس سے استفادہ کرتے ہوئے یہ سب کچھ زمین پر ایک الماری کے اندر ممکن بنالیا گیا ہے۔الماری کی شکل والے ان مختصر سے کھیتوں کی تیاری میں نینوٹیکنالوجی کی مدد سے ایسے مادے وضع کیے گئے ہیں جو پودوں کو درکار پانی، کاربن ڈائی آکسائیڈ اور دوسرے اہم غذائی اجزا کی درست اور نپی تلی مقدار فراہم کرتے رہتے ہیں۔ا?پ کو اس الماری کے اندر سبزیاں صرف ایک محلول میں رکھنی ہوں گی جب کہ باقی سارا کام یہ خودکار دیوار گیر کھیت خود سنبھال لے گا۔ کمپنی کا کہنا ہے کہ وال فارمز میں اگائی گئی سبزیوں میں وٹامن (حیاتین) کی مقدار زیادہ ہوتی ہے اور وہ مٹی میں اگائی جانے والی سبزیوں سے 30 فیصد زیادہ تیزی سے اگتی ہے۔اوپر تلے 3 درازوں والا الماری جیسا ایک نظام (وال فارم سسٹم) 799 ڈالر میں کمپنی کی ویب سائٹ سے براہِ راست خریدا جاسکتا ہے جب کہ اس قسم کی صرف ایک علیحدہ ٹرے 199 ڈالر میں دستیاب ہے۔ البتہ اس میں پودوں اور خصوصی محلول کی قیمت شامل نہیں؛ یہ آپ کو علیحدہ سے خریدنا پڑیں گے۔


اہم خبریں





   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain