دبئی(ویب ڈیسک) ابوظبی میں ہونے والے ویسٹ انڈیز کے خلاف دوسرے ٹیسٹ میں یونس خان نے شاندار سنچری بنائی ہے، دوسری طرف یونس خان اور مصباح الحق نے ٹیسٹ کرکٹ میں ایک اور کارنامہ سرانجام دے دیا۔ دونوں 15 سنچری پارٹنر شپ قائم کر کے پاکستان کی پہلی جوڑی بن گئے۔ یونس خان کے ٹیسٹ کیریئر کی 33 ویں سنچری ہے۔یونس خان نے اننگز میں 9 چوکے اور 1 چھکا بھی لگایا،یونس خان بیماری کی وجہ سے ویسٹ انڈیز کے خلاف سیریز کے پہلے ٹیسٹ میں شریک نہیں ہوسکے تھے۔یہ ان کی مسلسل دوسری ٹیسٹ سنچری ہے، دو ماہ قبل انہوں نے انگلینڈ کے خلاف اوول کے میدان 218رنز بنائے تھے، یہ سنچری بنا کر یونس خان ٹیسٹ کرکٹ میں ساتویں نمبر پر آگئے۔چوتھی وکٹ کی شراکت میں دونوں نے 15 سنچریز پارٹنر شپس بنا کر پاکستان کی پہلی جوڑی بن گئے۔ مڈل آرڈرز بلے بازوں نے 49اننگز میں یہ کارنامہ سرانجام دیا۔ مصباح اور یونس کے درمیان سب سے بڑی شراکت 218 رنز کی ہے۔ پاکستان کی سب سے بڑی سانجھے داری 451 رنز مدثر نذر اور جاوید میانداد نے بنائی۔
