ٹرمپ کا دسواں جنسی اسکینڈل سامنے آگیا،خاتون پھٹ پڑیں

نیویارک(این این آئی)ڈونلڈ ٹرمپ پر جنسی حوالے سے الزامات کا سلسلہ رک نہ سکا اور اب دسواں جنسی اسکینڈل سامنے آگیا تاہم ٹرمپ جیت کےلئے پر امید ہیں اور انوکھی منطق نکالی ہے کہ اگر جیتے تب ہی نتائج تسلیم بھی کریں گے جبکہ اوباما نے ٹرمپ کو جمہوریت کےلئے خطرہ اور بائیڈن نے ری پبلکن امیدوار کے بیانات کو احمقانہ قرار دیا ہے ۔جنسی حملے کاالزام لگانےوالی ایک اور خاتون ٹرمپ کے سامنے آبیٹھی ہے۔ میڈیارپورٹس کے مطابق نیویارک میں پریس کانفرنس کرتے ہوئے 45 برس کی کیرینا ورجینیا نے الزام عائد کیا کہ ٹرمپ نے 1988ءمیں یوایس اوپن ٹینس میچ کے موقع پر جنسی حملے کا نشانہ بنایا۔ الزامات کی بارش کے ماحول میں بھی ٹرمپ جیت کے خواب دیکھ رہے ہیں۔ ٹرمپ نے اب انوکھی منطق نکالی ہے کہ اگر الیکشن جیتے تب ہی نتائج مانیں گے ورنہ قانونی کارروائی کا حق محفوظ رکھتے ہیں۔