اسلام آباد (نیو زڈیسک)سینیٹر رحمان ملک نے دعوی ٰ کیا ہے کہ دو نومبر کے دھرنے کو ختم کرنے کیلئے حکومت اور تحریک انصاف میں بیک ڈور رابطے جاری ہیں اور قوی امکان ہے کہ دھرنے کی نوبت نہیں آئے گی اور معاملات طے پا جائیں گے ،رحمان ملک نے کہا کہ حکومت اور تحریک انصاف میں 2نومبر کے حوالے مک مکا ہو رہا ہے ،عمران خان نے پہلے بھی دھرنے سے کچھ حاصل نہیں کیا اور اب بھی کچھ حاصل نہیں ہو گا ،مسلم لیگ ن اور تحریک انصاف والوں کو سیاست کا کچھ پتہ نہیں اگر انہوں نے سیاست کرنی ہے تو پیپلزپارٹی سے سیکھیں کیونکہ پیپلزپارٹی ہمیشہ پارلیمنٹ کی سیاست کرتی ہے سڑکوں کی نہیں ،انہوں نے مزید کہا کہ پیپلزپارٹی نے ہمیشہ جمہوریت کیلئے قربانیاں دیں اور دیتی رہے گی ۔
