اسلام آباد بند نہیں کرنے دیں گے۔۔۔ رانا ثناءاللہ

فیصل آباد(ویب ڈیسک) وزیر قانون پنجاب رانا ثناء اللہ نے ایک بار پھر کپتان پر وار کیا ہے۔ فیصل آباد میں میڈٰیا سے گفتگو میں رانا ثناء اللہ نے کہا کہ عمران خان فرسٹریشن کا شکار ہیں وہ اور ان کی دیگر پارٹی سن لے، ہم اسلام آباد بند کرنے نہیں دیں گے۔رانا ثناء اللہ نے کہا کہ سپریم کورٹ میں معاملہ زیرسماعت ہونے کے بعد شہروں کو بند کرنا کسی کا حق نہیں، ق لیگ کے پاس کیا ہے جو وہ دھرنے پر جا رہے ہیں۔ وزیر قانون پنجاب نے پی ٹی آئی کارکنوں کی پکڑ دھکڑ سے متعلق کہا کہ یہ خبریں غلط ہیں، ابھی ہم انہیں سمجھانے کی کوشش کر رہے ہیں۔ ان کا کہنا تھا کہ پی ٹی آئی شہریوں کے حقوق سلب کرنے سے باز نہ آئی تو ہم قانونی چارہ جوئی کریں گے۔