لاہور (شوبزڈیسک) اداکارہ ریما کل کو اپنی 45ویں سالگرہ منائیں گی ۔ ریما 27اکتوبر 1971ءکو پیدا ہوئیں اور ہدایتکار جاوید فاضل ( مرحوم ) کی پہلی فلم ” بلندی “ سے اداکار شان کے ساتھ اپنے فلمی کیریئر کا آغاز کیا ۔ فلم ” بلندی“ کی زبردست کامیابی نے ریما کے لئے فلم انڈسٹری کے دروازرے کھول دیئے اور وہ ہر پروڈیوسر کی منظور نظر بن گئیں ۔ ریما نے اپنی خوبصورت اداکاری اور شاندار رقص کے ذریعے دو دہائیوں تک فلم انڈسٹری پر راج کیا جس کے بعد انہوں نے امریکہ میں مقیم ڈاکٹر شہاب سے شادی کر کے اپنا گھر بسا لیا اور اب وہ ایک بچے کی ماں بھی ہیں ۔ ریما کل کو اپنی سالگرہ اہل خانہ کے ساتھ منائیں گی ۔
