لاہور (خصوصی رپورٹ)اداکارہ عمائمہ ملک نے کہا ہے کہ ہر انسان میں آگے بڑھنے کی لگن ہوتی ہے مگر یہ ضروری نہیں کہ ہر خواہش پوری ہو،کسی بھی شخص کی کامیاب زندگی میں صلاحیتوں کا بڑا عمل دخل ہوتا ہے، انہوں نے کہا کہ اس سے انکار نہیں کیا جاسکتا کہ خوبصورت چہرہ خدا کا تحفہ ہوتا ہے لیکن میرے نزدیک ہر انسان خوبصورت ہوتا ہے۔اپنی صلاحیتوں کے بل بوتے پر موجودہ مقام حاصل کیا ہے جسے برقرار رکھنے کیلئے ہر وقت کوشاں رہتی ہوں۔حائمہ ملک نے کہا کہ ضروری نہیں کہ انسان کی ہر خواہش پوری ہو جائے۔ زندگی میں برے دن بھی آتے ہیں لیکن جو لوگ کبوتر کی طرح آنکھ بند کرلیتے ہیں ناکامی ان کا مقدر بن جاتی ہے۔ہر انسان میں آگے بڑھنے کی لگن ہوتی ہے جس کے باعث خواہشات بھی جنم لیتی ہیں لیکن یہ ضروری نہیں کہ انسان جو بھی خواہش کرے وہ ضرور پوری ہو۔
