ماسکو (نیوز ڈیسک) غیر ملکی خبر رساں ادارے کے مطابق روس نے پہلی بار اپنے خوفناک ہتھیار کی تصاویر بھی جاری کر دی ہیں جسے ”شیطان 2“ کا نام دیا گیا ہے۔ خبریں ہیں کہ یہ دیو قامت میزائل پورے 16 ایٹم بم بیک وقت لے جانے کی صلاحیت رکھتا ہے۔ یہ ایٹمی میزائل اس قدر طاقتور ہے کہ اس کے ایک حملے میں فرانس جیسا ملک صفحہ ہستی سے مٹ جائے گا۔ امریکہ اور اس کے اتحادی یورپی ممالک کے لئے یہ انکشاف خصوصی طور پر لرزہ خیز ہے کہ شیطان دوئم میزائل صرف یورپ ہی نہیں بلکہ امریکہ کے مغربی ساحل سے لے کر مشرقی ساحل تک مار کرسکتا ہے یعنی یورپ اور امریکہ کا ہر گوشہ اس کے نشانے پر ہے۔ ان تصاویر کو دیکھ کر امریکا اور یورپ پر لرزہ طاری ہو گیا ہے۔ دفاعی ماہرین کا کہنا ہے کہ اس میزائل کے سامنے ہیروشیما اور ناگاساکی پر گرائے گئے ایٹم بم پٹاخوں جیسے ہیں۔ یہ میزائل صرف بے پناہ طاقت کا حامل ہی نہیں بلکہ ریڈار کی نظر سے بچنے کی صلاحیت سے بھی لیس ہے۔
خوفنا ک ہتھیار ….’شیطان 2‘تیار….طاقت ایسی کہ امریکہ کانپ اُٹھا
