صدارتی الیکشن ….امریکی عوام نے اپنی تاریخ برقرار رکھی

نیویارک (خصوصی رپورٹ )اگر یہ کہا جائے کہ ہیلری کلنٹن ماڈرن امریکہ کی تاریخ میں سیاسی طور پر سب سے زیادہ موثر شخصیت کے طور پر سامنے آئیں تو غلط نہ ہوگا اور انہوں نے اپنے طور پوری کوشش کی کہ وہ امریکی کی تاریخ میں صدر منتخب ہونے والی پہلی خاتون بن جائیں لیکن ان کی تمام تر کوشش اور بھرپور انتخابی مہم کے باوجود امریکی عوام نے ایک بار پھر ایک خاتون کو صدر منتخب نہیں کیا ۔یوں ایک بار پھر امریکہ کسی بھی خاتون کو صدر منتخب نہیں کر سکا۔ہیلری کلنٹن کے مقابلہ میں صدر منتخب ہونیوالے ڈونلڈ ٹرمپ امریکہ میں کسی بھی عوامی پوزیشن کے لئے کبھی منتخب نہیں ہوئے ، وہ ایک ارب پتی بزنس مین کے طور پر جانے جاتے ہیں ۔ یوں اگر صدارتی الیکشن 2016کی تاریخ لکھی جائے گی تو کہا جائے گا کہ امریکی عوام نے ایک خاتون کے مقابلے میں ایک ارب پتی بزنس مین کو اپنا صدر منتخب کیا ۔واضح رہے کہ ہیلری کلنٹن امریکہ کی تاریخ کی پہلی خاتون ہیں کہ جو ڈیموکریٹک پارٹی کی صدارتی امیدوار نامزد ہوئیں تاہم وہ دوسرے مرحلے میں ناکام ہو گئیں ۔