قطری شاہی خاندان پاکستان پہنچ گیا …. نئی ہلچل شروع

اسلام آباد (مانیٹرنگ ڈیسک) قطری شاہی خاندان کے 6 لوگوں سمیت 7 افراد خصوصی طیارے کے ذریعے اسلام آباد پہنچ گئے ہیں۔ میڈیا رپورٹس کے مطابق قطر کے شاہی خاندان کے 6 افراد وفاقی دارالحکومت پہنچے ہیں جبکہ ان کے وفد میں ایک برطانوی شہری بھی شامل ہے۔ قطر کے شاہی خاندان کی قیادت عبدالہادی مانا کر رہے ہیں جبکہ وفد میں سعود محمد، عبداللہ عبد الخیر، جابر عیسیٰ اور حامد محمد اور برطانوی شہری رائے یار بہادرشامل ہیں۔ ذرائع کا کہنا ہے کہ شاہی خاندان کے افراد خصوصی طیارے کے ذریعے قطر کے دارالحکومت دوحہ سے اسلام آباد پہنچے ہیں۔واضح رہے کہ پاناما لیکس کیس میں قطری شہزادے کا خط سپریم کورٹ میں پیش کیے جانے کے بعد قطرکا شاہی خاندان پاکستانی میڈیا کی خصوصی توجہ کا مرکز بنا ہوا ہے جبکہ کچھ روز پہلے ہی حکومت نے شریف خاندان کیلئے مے فیئر فلیٹس کے حوالے سے خط لکھنے والے شہزادے حمد بن جاسم التھانی کو تلور کا شکار کرنے کیلئے خصوصی لائسنس بھی جاری کیا۔