ممبئی(ویب ڈیسک) بالی ووڈ اسٹار سلمان خان کے مشہور رئیلٹی شو بگ باس سیزن 10 سے باہر کیے گئے پنڈت سوامی اوم نے سلو میاں کے شادی شدہ ہونے کا دعوی کردیا۔مشہور رئیلٹی شوبگ باس سیزن 10 سے نکالے گئے پنڈت سوامی اوم آئے روز سلمان خان پر نت نئے الزامات عائد کررہے ہیں جب کہ پنڈت سوامی سلو میاں پر ہندو ثقافت کا سخت ناقد ہونے اور ایڈز جیسی موذی مرض کا شکار ہونے کا دعوی کرچکے ہیں لیکن اب انہوں نے سلو میاں کے بارے میں ایک اور دعوی کردیا ہے۔سلمان خان فلمی دنیا کے وہ کنوارے ہیں جنہوں نے متعدد افیئرز کے باوجود شادی کا لڈو نہیں کھایا لیکن اب بھارتی پنڈت سوامی اوم نے سلومیاں کوشادی شدہ قرار دے دیا ہے جب کہ پنڈت نے دعوی کیا ہے کہ سلمان نہ صرف شادی شدہ ہیں بلکہ بیٹی کے باپ بھی ہیں جو لندن میں مقیم ہے ۔ پنڈت کے مطابق سلمان کی شادی سے متعلق ان کے گھر والوں کوعلم ہے جسے جان بوجھ کر سب سے مخفی رکھا جارہا ہے۔دوسری جانب سلمان خان بگ باس کے باعث ہمیشہ سے ہی تنازعات میں گھرے رہتے ہیں لیکن اب انہوں نے سوامی اوم کی جانب سے کردار کشی پرشو چھوڑنے کا فیصلہ کرلیا ہے جب کہ چینل انتظامیہ کی جانب سے بگ باس کے رواں سیزن کی اختتامی تقریب میں پنڈت سوامی اوم کو بلانے کے اعلان پرسلومیاں نے شو کے بائیکاٹ کی دھکمی بھی دے ڈالی جس کے بعد چینل انتظامیہ کو اپنا فیصلہ واپس لینا پڑا ۔واضح رہے کہ سلمان خان اب تک بگ باس کے کئی سیزن کی میزبانی کے فرائض سر انجام دے چکے ہیں اور ایک قسط کا 10 کروڑ سے زائد معاوضہ وصول کررہے ہیں۔
