نواب شاہ، لاہور (نمائندہ خبریں) چیئرمین پیپلز پارٹی بلاول بھٹو زرداری نے کہا ہے کہ وفاقی حکومت کے ساتھ ملکر دہشتگردی کا مقابلہ کریں گے۔ وزیر اعظم بھی اپنی کابینہ کے ہمراہ زخمیوں کی عیادت کے لیے پہنچے وزیر اعظم پر تنقید کے لیے یہ وقت مناسب نہیں چودھری نثار صاحب آپ انسان بنیں سب کو ملکر دہشتگردی کا مقابلہ کرنا ہو گا۔ بلاول بھٹو زرداری نے وزیر اعلیٰ سندھ مراد علی شاہ کے ہمراہ نواب شاہ کے پیپلز میڈیکل ہسپتال پہنچے اور سیہون دھماکہ کے زخمیوں کی عیادت کی۔ اس موقع پر میڈیا سے گفتگو میں بلاول بھٹو زرداری کا کہنا تھا کہ میں وزیر داخلہ سے یہ کہہ سکتا ہوں کہ آپ انسان بنیں ہم نے مل کر دہشتگردی کا مقابلہ کرنا ہے ہم صرف پالیسیوں پر تنقید کرتے ہیں اسے ذاتی مسئلہ نہ بنایا جائے ان کا کہنا تھا کہ ہمارے پیارے دہشتگردی کی نذر ہوئے ہیں ہم دہشتگردی سے متاثر ہیں ہم سب نے ملکر اس کا مقابلہ کرنا ہے بلیم گیم کی بجائے ہمیں اپنی ذمہ داری پوری کرنا چاہیے جبکہ بلاول بھٹو کے بیان پر رد عمل کا اظہار کرتے ہوئے ن لیگ کے رکن قومی اسمبلی محمد طلال چودھری کا کہنا تھا کہ لوگ سمجھتے ہیں کہ یہ بینظیر بھٹو کے بیٹے ہیں لیکن انکی زبان سے گفتگو سے یہ بینظیر بھٹو کے بیٹے نہیں لگتے یہ دوسروں کو یہ بتانے والے کہ کون انسان ہیں اور کون نہیں یہ خود انسان کے بچے نہیں شناختی کارڈ پر بھٹو لکھوا لینے سے انسان بھٹو نہیں بنتا اور یہ جعلی بھٹو ہے۔ انہوں نے سندھ کی جو حالت کی ہے آج اسی وجہ سے یہ شہداءکے جسم کے ٹکڑے نہیں سنبھال سکے وہاں جو صحت اور تعلیم کی صورتحال ہے وہاں جو امن و امان کی صورتحال ہے وہ لوگ جو کراچی کا کوڑا نہیں اٹھا سکے جو شہداءکے جسموں کے ٹکڑے نہیں سنبھال سکے وہ سندھ کی کیا خدمت کریں گے۔ دوسری جانب پےپلزپارٹی کے چےئر مےن بلاول بھٹو کی ہداےت پر پےپلزپارٹی نے احتجاجی جلسوں کے شےڈ ول کو ”ہولڈ “کر دےا جبکہ مارچ مےں احتجاجی جلسوں کے معاملات کےلئے آئندہ کی حکمت عملی بنائی جائےگی۔ ذرائع کے مطابق سکیورٹی خدشات کی وجہ سے بلاول بھٹو نے پنجاب پےپلزپارٹی قےادت کو ہداےات جاری کر دےں کہ فی الحال پنجاب مےں کسی بڑے جلسے ےا رےلی کا انعقاد نہ کےا جائے۔ اس حوالے سے فروری کے آخر تک تمام صورتحال کو دےکھنے کے بعد جلسوں کے حوالے سے آئندہ کی حکمت عملی طے کی جائےگی۔
