لاہور ( ویب ڈیسک ) انسداد دہشت گردی ڈیپارٹمنٹ نے مشکوک افراد کے گرد گھیرا تنگ کر لیا ہے اس سلسلہ میں پنجاب سے تعلق رکھنے والے مشکوک افراد کی سخت مانیٹرنگ کا فیصلہ کیا گیا ہے۔ مشکوک افراد سے متعلق پنجاب حکومت کی جانب سے وفاق کو اہم رپورٹ بھیجوائی گئی۔ابتدائی طور پر پنجاب میں 68 ہزار 957 مشکوک افراد کا ڈیٹا بیس تیار کیا گیا ہے جس کے مطابق مشکو ک افراد کی مسلسل مانیٹرنگ بھی شروع کر دی گئی ہے۔ مشکوک افراد کسی دوسر ے صوبے بھی جانے سے قبل اجازت حاصل کریں گے۔ رپورٹ کے مطابق اس وقت 1400افراد فورتھ شیڈول کی فہرست میں شامل ہیں، مزید چند سو افراد کو فورتھ شیڈول کی فہرست میں شامل کرانے کی سفارش بھی کی گئی ہے۔ محکمہ داخلہ پنجاب حکام کے مطابق امن و امان کی صورتحال کو بہتر بنانے کےلئے ہر ممکن اقدامات کئے جا رہے ہیں۔
