گیانا(ویب ڈیسک) پاکستان اور ویسٹ انڈیز کے مابین تین ون ڈے میچوں کی سیریز کے سلسلے کا آخری میچ آج کھیلا جا رہا ہے۔ ویسٹ انڈیز نے ٹاس جیت کر پہلے بیٹنگ کرنے کا فیصلہ کیا ہے۔ جبکہ ویسٹ انڈیز نے پہلے بیٹنگ کرتے ہوئے مقررہ 50 اوورز میں 233 رنز بنائے اور 8 کھلاڑی آﺅٹ ہوئے ۔
پرووِڈنس سٹیڈیم میں آج پاکستان اور ویسٹ انڈیز کی ٹیموں کے درمیان تین میچوں کی سیریز کا آخری اور فیصلہ کن میچ کھیلا جا رہا ہے۔ تین ون ڈے میچوں کی سیریز آج کا میچ جیتنے والی ٹیم کے نام ہو گی۔ ویسٹ انڈیز کے کپتان جیسن ہولڈر نے ٹاس جیت کر پہلے بیٹنگ کرنے کا فیصلہ کیا۔ پاکستانی ٹیم میں کوئی تبدیلی نہیں کی گئی ہے۔ دوسری جانب ویسٹ انڈیز کی ٹیم میں الزری جوزف کی جگہ سپنر ویراسمی پرمول کو شامل کیا گیا ہے۔
گیانا میں بارش اور خراب موسم کے باعث کھیل کچھ تاخیر سے شروع ہوا۔ ویسٹ انڈیز کی جانب سے ایون لوئس اور چاڈوک والٹن میدان میں اترے اور انتہائی سست رفتاری سے کھیل پیش کیا۔ ویسٹ انڈین ٹیم کا سکور ابھی 31 رنز پر پہنچا تھا کہ لوئس کیچ آو¿ٹ ہو کر پویلین لوٹ گئے۔ جنید خان کی گیند پر محمد حفیظ نے ان کا کیچ لیا۔ لوئس نے صرف 16 رنز بنائے۔ ویسٹ انڈیز کی دوسری وکٹ 40 رنز کے سکور پر گری جب حسن علی کی خوبصورت گیند نے والٹن کو بولڈ کر دیا۔ والٹن 19 رنز بنا سکے۔ اس کے بعد کیرن پاو¿ل اور شائی ہوپ نے ٹیم کے سکور کو آگے بڑھایا تاہم دونوں کے قدم ابھی جمنے بھی نہ پائے تھے کہ عماد وسیم نے پاو¿ل کو چلتا کیا۔ عماد وسیم کی خوبصورت گیند پر کپتان سرفراز احمد نے انھیں سٹمپ آو¿ٹ کیا۔ کیرن پاو¿ل صرف 23 رنز بنانے میں کامیاب ہو سکے۔ اس کے بعد جیسن محمد اور ہوپ کی جوڑی نے ٹیم کو سہارا دیا اور سکور کو آگے بڑھایا۔ ویسٹ انڈیز کے چوتھے آو¿ٹ ہونے والے کھلاڑی جیسن محمد تھے جنہوں نے جارحانہ بلے بازی کرتے ہوئے پانچ چوکوں اور دو چھکوں کی مدد سے 59 رنز بنائے۔ جنید خان کی گیند پر سرفراز احمد نے وکٹوں کے پیچھے ان کا کیچ لیا۔ ان کے بعد آنے والے کھلاڑی جوناتھن کارٹر جلد آو¿ٹ ہو کر پویلین لوٹ گئے۔ کارٹر نے صرف 11 رنز بنائے اور انھیں شاداب خان نے بولڈ کیا۔ پانچویں وکٹ کے نقصان پر ویسٹ انڈیز کا سکور 192 تھا۔ ویسٹ انڈیز کو چھٹا نقصان 211 کے سکور پر اٹھانا پڑا جب شاندار بیٹنگ کر رہے شائی ہوپ کیچ آو¿ٹ ہو گئے۔ ہوپ نے شاندار بلے بازی کا مظاہرہ کرے ہوئے 71 رنز کی اننگز کھیلی۔ ان کی اہم وکٹ بھی شاداب خان کے حصے میں آئی۔
دونوں ٹیموں کیلئے یہ میچ جیتنا انتہائی اہم ہے۔ تین میچوں کی سیریز کے پہلے ایک روزہ ون ڈے میچ میں ویسٹ انڈین ٹیم نے 4 وکٹوں سے فتح اپنے نام کی تھی جبکہ دوسرا میچ میں پاکستان 74 رنز سے جیتا تھا۔ اگر ویسٹ انڈیز کی ٹیم یہ اہم میچ جیت جاتی ہے تو وہ نہ صرف یہ سیریز جیت جائے گی بلکہ 26 سال بعد پاکستان کیخلاف فتح سمیٹے گی۔ کرکٹ شائقین کو یاد رہے کہ ویسٹ انڈیز کی ٹیم نے آخری مرتبہ 1991ئ میں پاکستانی ٹیم کو سیریز میں شکست دی تھی۔
