اسلام آباد (مانیٹرنگ ڈیسک) پاناما کیس کی تحقیقات کرنیوالی جے آئی ٹی نے وزیر اعظم نواز شریف اور ان کے بچوں کے غیر ملکی اکاو¿نٹس اور اثاثہ جات کی جانچ پڑتال کے لیے غیر ملکی ماہرین سے مدد لینے کا فیصلہ کیا ہے۔ نجی ٹی وی کے مطابق ایڈیشنل ڈی جی ایف آئی اے واجد ضیاءکی سربراہی میں سپریم کورٹ کی جانب سے پانامہ کیس کی تحقیقات کے لیے بنائی جانے والی جے آئی ٹی کا پانچواں ا جلاس جوڈیشل اکیڈمی میں ہوا۔ الیکشن کمیشن کی جانب سے بجھوائی گئی وزیر اعظم کے اثاثوں کی تفصیلات جوائنٹ انویسٹی گیشن ٹیم کو موصول ہو گئیں۔ سامنے آنے والی تفصیلات کے مطابق بیرون ملک وزیر اعظم کی کوئی جائیداد نہیں جبکہ جاتی امراءمیں بلڈنگ کی مالیت صرف 40 لاکھ روپے ظاہر کی گئی ہے۔ الیکشن کمیشن دستاویزات کے مطابق 2015ء میں وزیر اعظم نے حسین نواز سے 20 کروڑ روپے وصول کئے، رقم ڈالر اور یورو کرنسی میں وصول کی گئی، وزیر اعظم نے اثاثوں میں سات بینک اکاونٹ ظاہر کئے جب کہ جے آئی ٹی نے غیر ملکی ماہرین سے مدد لینے کا فیصلہ کیا ہے، ماہرین وزیر اعظم اور بچوں کے غیر ملکی اکاو¿نٹس اور اثاثہ جات کی جانچ پڑتال کریں گے۔ الیکشن کمیشن کے مطابق جے آئی ٹی نے تین سال کے اثاثہ جات کی دستاویزات طلب کی تھیں جس میں جے آئی ٹی نے الیکشن کمیشن سے جو تفصیلات مانگیں وہ سب دے دی گئیں۔ گزشتہ روز جے آئی ٹی کو وزیراعظم اور کیپٹن ریٹائرڈ صفدر کے اثاثہ جات کی تفصیلات فراہم کردیں تھیں۔ پانامہ کیس کی تحقیقات کیلئے قائم 6رکنی جے آئی ٹی نے حدیبیہ پیپرزملز کیس کا ریکارڈ حاصل کرلیا، جبکہ آئی ٹی نے عدالتی فیصلے اور دستیاب ریکارڈ کی چھان بین مکمل کرلی جبکہ قطری خط کا جائزہ بھی لیا جارہاہے، جے آئی ٹی ممکنہ طور پر آئندہ ہفتے وزیراعظم نوازشریف اور انکے بچوں کو طلی کے نوٹسز جاری کردیگی، جے آئی ٹی نے بیرون ملک رقوم کی منتقلی کے ریکارڈ کے حصول کیلئے سٹیٹ بنک آف پاکستان کو بھی خط لکھ دیا، گذشتہ روز پانامہ کیس کی تحقیقات کیلئے ایدیشنل ڈائریکٹر جنرل ایف آئی اے واجد ضیاءکی سربراہی میں قائم چھ رکنی جے آئی ٹی کا اجلاس وفاقی جوڈیشل اکیڈمی میں ہوا، اجلاس میں جے آئی ٹی کے پانچوں ارکان نے شرکت کی ،ذرائع کے مطابق نیب کی طرف سے جے آئی ٹی حدیبیہ پیپرز ملز کیس کا تمام ریکارڈ فراہم کردیاگیاہے، جو جے آئی ٹی کو موصول ہوچکا ہے ، جے آئی ٹی اس ریکارڈ کا تفصیلی جائزہ لے گی جبکہ بیرون ملک رقوم کی منتقلی کے ریکارڈ کے حصول کیلئے جے آئی ٹی نے سٹیٹ بینک آف پاکستان کو بھی خط لکھ دیا ہے، ذرائع کے مطابق جے آئی ٹی نے پانامہ کیس کے عدالتی فیصلے کا تفصیلی جائزہ لے لیا ہے اور اب متعلقہ اداروں سے حاصل کئے گئے ریکارڈ کی چھان بین کی جائیگی، جس کی روشنی میں وزیراعظم نوازشریف اور انکے بچوں کے بیانات ریکارڈ کرنے کیلئے سوالنامہ تیار کیا جائیگا، اور توقع کی جا رہی ہے کہ آئندہ ہفتے وزیراعظم اور انکے بچوں کو جے آئی ٹی کی طرف سے طلبی کے نوٹسز جاری کردیئے جائیں گے ،واضح رہے کہ الیکشن کمیشن آف پاکستان نے بھی جے آئی ٹی کو وزیراعظم نوازشریف کے گوشواروں کی تفصیلات فراہم کردی ہیں۔
